Oceania Bishop pawl in Turkey le Syria ih nunnak cemnak le thilsiat nak pawl ruangah an riahsiat nak langter.

Oceania Bishop pawl in Turkey le Syria ih nunnak cemnak le thilsiat nak pawl ruangah an riahsiat nak langter.

          Oceania Bishop pawl cu Feb 5-10 tiang Fiji ah CBCO in quadrennial Assembly of the federation tonawknak an nei. Feb 10 ah Turkey le Syria ih linghnin ih harsat tuar pawl hrang an lungrualnak thu an sim. "Pathian cu harsat tuar pawl kiang ah a um ti kan thei. Na minung pawl Oceania tel in leitlun killi ih ulenau pawl in ngaihsak dingah le duhdawt dingah thla kan cam" tiin ca an kuat.

          Riahsiat nak ca pawl cu episco pawl conference ih president pali, Australia, New Zaeland, Slomon Islands/ Papua New Guinea le Pacific Oceanian federation Suvu president Archbishop Peter Loy Chong pawl in sign an tthu. Tlawng kai nikhat ah Turkey le Syria ih linghnin ruangih siatsuahnak pawl le nunnak cemnak ruangah an riahsiatnak an langter.

          "Tuizarh sungih CBCO ih tonkhawm nak ih thuluu pakhat cu harsat tuar pawl le kan leilungpi ih tuar nak pehtlaih dingah a si. Nan ram ah himi thil cang mi ruangah nat nak le mi tampi a siat ter" tiin Bishop pawl in an sim. Thuthang ih an sim nak vekin Feb 12 tiang Turkey Syria linghnin ruangah mipum 33,000 an nak nak an liam.

          Oceania Bishop pawl in Catholic biaknak diktak thawn an ram dam sal dingah le bawm nak ding Fund hawl nak an phuan. Oceania Bishop pawl in "atui kan thlacamnak pawl le kan ngaihsak nak pawl cu na mi pawl himi siatsuahnak in luat dingah asi" tiin an sim. Himi thuthang cu RVA thuthang ihsin kan din mi a si.

https://bit.ly/3IjjqMF