Brazil ih Bawi Jesuh zuk teek in tlak.

Brazil ih Bawi Jesuh zuk teek in tlak.

          Leitlun huap ih thil danglam bik pasarih sungih pakhat asivemi Rio de Janeiro ih Bawi Jesuh zuk teek in a tlak mi cu zuk zuk thiam pakhat in a rak zuk  ngah. Feb 10 zanlam ah teek a tla ih zuk zuk thiam Fenando Brago in Instagram ah a tar lang ih 'cawl loin, ziang tik hman ah beidong hlah, hnaihnok nak tampi lak ah zuamnak thawn, Khrih ih zuk teek ih a tlak lai ka zuk ngah, Ni tampi ruah a sur zo. Hivek zuk ka rak zuk dah lo" tiin a ngan.      

          "Hi tawk cu zuk ka duh zet nak a si. Ka hrangah a danglam zet mi zuk ka nei zo" tiin Brago in a sim. Rio de Janeiro ih Khrih zuk cu Brazil ah Our Lady Aparecida puai ni 1931, Oct 12 ah an rak tuah mi a si. Pi 125 a sang ih pi 26 a sang nak hmun a um. Pi 92 a tum.

          2006 himi an din nak kum 75 kim nak ah Rio ih Archbishop Cardinal Oscar Scheidt in Corcovado ih Shrine of Christ the Redeermer Archdiocesan tiin hmin a rak pek. 2007 ah Christ the redeemer cu the new 7 wonders foundation ih rak tuah mi leitlun huap vote peknak ah leitlun huap ih a mak danglam mi 7 sungah pakhat tiin hril a si. Himi thuthang cu Catholic News Agency ihsin kan don mi a si.

https://bit.ly/3E55Ie0