Pope Francis in Congo mipi pawl hnenah nan ram a mawi tuk, nan ram hrangah thlacam uh tiah sim.

Pope Francis in Congo mipi pawl hnenah nan ram a mawi tuk, nan ram hrangah thlacam uh tiah sim

          Kan dung Zarhpi ni Angelus thlacam theh hnu khawmzawhtu pawl cibai a buuknak ah, Pope Francis in kan dung ih an ram ih a tlawn ah a mah an upatnak langter dingih a feh tu, Congo miphun mipi pawl hnenah hleice tak in tongfang pakhat a rak sim.

          “Hi tawk ih ra thleng tu Congo mipi pawl cibai ka lo buuk hai. Nan ram a mawi tuk; A mawi tuk! Nan ram hrangah thlacam uh!” tiah Pope Francis in Zarhpi ni, Marian Angelus thlacamnak theh ah a rak sim. Pope Francis cu Kinshasa ah Jan 31- Feb 3, 2023 tiang a rak um.

          Rome khuapi ih um Congo pawlkom in Zarhpini ih Mass raithawinak cu nazi 11:00 ah an tuah theu ih St. Peter tualrawn ih um Angelus thlacamnak ih tel tu mipi pawl tam deuh tel thei dingah Bawipai Thi le Sa upatnak cu 9:30 ah an rak tuah. Hramthok ngah mi vek a si le, Rome khuapi ih um ram ih rin um zet mi tampi cu Angelus thlacamnak ah an rak tel.

          An upatnak le an umnak langter dingah, an ram Aalaan an thlir ih a theithiam hai. Pope Francis in an hrangah hleice tak in tongkam pakhat a rak sim. Congo mipi pawl in Africa ih um an ram ih mawinak Pope ih a rak thangphawk laiah lungnomnak thawn an rak rulkir sal.

Pope in a cem thei lo mi man nei zet mi nan si tiah DRC hnenah sim

          DRC ih a tlawn lai ah, Pope Francis in thuneitu pawl, cui hmun ih pawlkom pawl le ram palai pawl hnenih thu a sim mi ah tongfang men in a rak sim lo. Congo ih Democratic Republic sungih colonu ramnawr nak thuanthu le nitlaknak lam thunei tu pawl, Africa ram hrekkhat in Africa continent ih suak mi pawl duhham zet ih hmannak an rak mawhthluk. Pope in DRC le an miphun thuhla sim dingah diamond pakhat langter tu metaphor a rak hmang.

          “Duhdawt zet mi Congo ih nunau le mipa pawl, nan ram cu diamond pakhat vekih sersiam mi vek taktak a si. Cu vekin leilung ih hawlhmuh mi lungmankhung hnak in man nan nei sawn,” tiah Pope Francis in Kinshasa ih Congo mipi pawl hnenah a rak sim.

          Hi thuthang cu Vatican thuthang ih kan ngah mi a si.

https://bit.ly/3K8NgET