Bangladesh Catholic Pawlpi in vei 38 nak 2023 leitlun mino pawl ni tuah.

Bangladesh Catholic Pawlpi in vei 38 nak 2023 leitlun mino pawl ni tuah.

          Bangladesh ih Catholic Pawlpi in vei 38 nak leitlun mino pawl sunloih ni (NYD) cu Feb 17-21 tiang khulna diocese ih St. Paul Parish Shelabuniya, Mongla ah an rak tuah. Episcopal Commission for Youth (ECY) le khulna diocese in leitlun mino khawm ah an rak tuah. Tui kum ih leitlun mino pawl ni thuluu cu "cui hnuah Mary cu a tim a tuah ih Judea peng tlangpar khua ah zamrang ten a hung feh" (lk 1:39)

          Hi mi khawmzawhnak ah Bangladesh ih diocese 8 ihsin mino 530 lenglo an rak tel. Caanseh thoknak ah khualna diocese ih mino pawl in mino pawl hmuahhmuah le mino coordinator pawl, Puithiam pawl, Brother le Sister pawl cu an mai ram daan vekin thlumte (Mawthai) le pangpar pawl cu hmuahnakah an rak pe. Mino pawl caanserh cu mino pawl hrang Episcopal commission ih Chairman Chittagong ih Archbishop Lawrence Subrao Howlader in a rak hoha.

          Archbishop Howlader in mi tinkim cu Thinglamtah phur dingah kan nitin nunnak ah Bawinu Mary vekin tho in feh lohli dingah a sim. Pathian thu a simnak ah khula diocese ih Vicar General Fr. Jacob S. Biswas mino pawl ih hmuhnak kau dingah mino pawl hrang forhfialnak a rak nei.

          Vicar General in mino pawl cu kohhran ih tui caan le hmailam caan ih tleunak an si" tiin a sim. Archbishop Lawrence Subrato Howlader le a dang diocese ih coordinator pawl khal an tel ve. Bangladesh hramlak le tikcu thlengnak lam ih MP ministry Habibin cu mino pawl ni ih a hleice mikhual tiin an tel. Bangladesh Alaan le diocese mino ih allan cu onnak caanserh ah an tar.

          Cu tiin President in leitlun mino pawl ni ih a hleice ih tumtahmi pawl a sim. A thupi mi mikhual in "mino pawl cu leilungpi kilhim ding le thansonak I an cangvaihnak thawn tuan nak hrang ambassador an si" tiah a rak sim. Dhaka Archdiocese ih mino pawl in Bawi Jesuh ih nunram le thinglamtah ih a thihnak cu drama thawn an pholang.

          Excutive Secretary le Fr. Bikash James Rebeiro CSC in a thusimnak ah Bawinu a tho ih a pok cih" timi thawn pehpar in a sim. Fr. in mino pawl hnenah Bawinu vekin "Yes" tiin sim ve thei dingah le a nunram thuanthu zoh fel dingah a sim. "Pathian in ka hrangah ziang a tuah ding" tiin mino pawl a sut. Ka tumtahnak ah Pathian in ka tuah dingih a duh mi tuah dingah I bawm maw? Tiin Fr. Rebeiro in a rak sim. Netabik kharnak Missa cu Archbishop Lawrence Subrato Howlader CSC in a hoha. Thuthangtha a simnak ah mino pawl hnenah mission hnatuannak cu Lisbon in a thok ih a tu leilungpi ih na tuan a cuu tiin a thei ter.

          2024 leitlun mino pawl ni cu Sylher diocese ah tuah a si ding. Hi mi ih a tel ve mi Raphel Gomes in "hi mi leitlun mino pawl ni ih thu ka zir thei ruangah ka lungawi ih kan mai riantuannak ah Christian tleunak thawn tleu dingah a sim. Fr. Bikash James Reibeiro, CSC in vei 38 nak leitlun mino pawl ni thehnak hrang lungawi thu a rak sim.

          Pope St. John Paul II cu mino pawl duh sak zet tu le ruahnak tha neitu a si. Mino pawl a duhsaknak thawn leitlun mino pawl ni ih a sim mi cu leitlun killi le diocese pawl ah leitlun mino pawl ni tuah vivo dingah a rak sim.

          Hi thuthang cu RVA thuthang ih kan don mi a si.

https://bit.ly/3ZqAPsB