Catholic Bishop in Negros Oriental Governor le Philippines ih mi 5 that nak  mawhthluk (March 6, 2023)

Catholic Bishop in Negros Oriental Governor le Philippines ih mi 5 that nak  mawhthluk

March 6, 2023

           Dumaguete ih Bishop Julito Cortes in rapthlak zet ih that mi Negros Oriental Governor Roel Degamo le March 4 ih Philippines ih adang 5 thatnak pawl ruangah nasazet in a mawhthluk.

           Bishop Cortes in hi thil cang cu thinnat za zet le ruahnak nei loih thah nak asi tiin a sim. Cortes in “hivek tuahmawhnak ih kan um vivo asile ziangtin remdaihnak le kan ngah thei ding? Ziangtikah hivek thah awknak colh a si ding? tiin a sim.

           Palic pawl ih ansimnak vekin tuahamwh tu pawl cu Degamo ih umnak sung an lut ih amah le mi pawl an tlan suak man hlan ah an ur tiin an sim. An riahsiatnak pawl cu governor ih innsang le a dang thah tuar mi pawl ih innsang hrang an hlan.

           “Atuvek riahsiat zet caan ah Pathian in nan tul mi ralthatnak le hnem nak lo pe hram seh” tiin Cortes in a sim. Himi thahnak thawn pehpar in cuihmun ih palik pawl in rinhleh mi 3 an kai zo. Bishop in thunei tu pawl hnenah remdaihnak hrang tuah dingah a sim.

           Puithiam khal in remdaihnak hrang forhfial phahin “thahawknak pawl cawl dingah” a forhfial. Philippines president Ferdinand Marcos in ramkhel lam upa Degamo le an riantuan dingah thukamnak latu pawl thah nak a mawh thluk. Degamo le adang 5 pawl cu anmai an umnak hmun ih an um laiah tuahmawh tu pawl ih thah an tuar. Degamo cu 2022 May ih hril awk nak ah nehnak rak ngah tu a si.

           Himi thuthang cu RVA thuthang ihsin kan don mi a si.

https://bit.ly/3mu5qHu