Pope in US seminary tlawngta pawl hnenah Bawipai aw ngai dingah, kekar tlang dingah le teette khaan dingah forh (March 7, 2023)

Pope in US seminary tlawngta pawl hnenah Bawipai aw ngai dingah, kekar tlang dingah le teette khaan dingah forh (March 7, 2023)

           Pope Francis in US seminary tlawngta pawl hnenah synodal khualtlawn tlangnak le ordination hrang an khualtlawnnak Pawlpi a si vekin Bawipai aw ngai ingah, kekar tlang dingah le teette khaan dingah a rak forh.

           Pope cu tlawngkai nikhat ni ah Puithiam pawl, deacon pawl, seminary tlawngta pawl, le an seminary tlang kum 175 kim anniversary tuah rero tu Cleveland, Ohio ih St. Mary’s Seminary ihsin staff pawl a rak tong.

           Pope in thungainak cu a tul tuk mi a si tiah a rak sim. Hi mi theihnak in Bawipai tongkam ruat dingah, thlacam dingah, Tabernacle hlan ah dai ten um dingah, le thlarau lam hnatuanpi pawl hawl dingah in rak sawm.

           “Bawipa in ziang lo sim a duh tin a theih hlan ah nan mah le nan mah ruah awk hmaisa a thupi ti hngilh dah hlah uh. Ngai ngai ahcun, thinlung tak in thuk zet ih Pathian ih aw ngainak le a hleice in a har mi hnatuan pawl ton tikah kan sunglam thansonak um lo theih lo in a tul,” tiah Pope in hngetkhoh zet in a rak sim.      

           Kekar tlangnak ruat phah in, Pope in seminary nunram in thlacam nun neih a tul zia, hi ministry ih tuah dingah a bawm ih Bawipai thu ngainak in kan zumnak rul kir sal dingah in bawm. Cu lawngah, thudik le thudik ah Gospel ih mawi zia le lungnomnak daan an zirh thei dingih an phuang ding tiah a rak sim.

           Pope in seminary tlawngta pawl lakah unau vekin um a tul zia, an Bishop, religious le mipi, le leitlunhuap Pawlpi tel mi Pawlpi  a rak langsar ter.

           “Kan nih cu caantha ah si loin laksawng pakhat dinhmun in Pathian ih thukam pawl rak ngah mi sungtel kan si ti theih a tul. Cu vek thotho in, na pumcawmnak cu Bawipai ruangpum dinnak ah laksawng ap mi a si,” tiah Pope in a rak sim.

           Pope in Pathian thu ngai dingah le kan zumnak ah teette pakhat dinhmun in kekar tlang dingah a rak sawm. Pope in seminary formation in a thianghlim mi duhdawtnak le thin cat lo mi thinlung thawn Pathian le a mai a mithianghlim pawl  thawn an mah le mah ap aw lawlaw dingah a bawm ding tiah ruahsannak a nei.

           Cleveland Diocese ih Bishop Edward Charles Malesic in cibai buuknak thawn onnak thu a sim hnu ah, Pope Francis in kum zabi 2 hrawng ih “Pathian ih a mithianghlim pawl an mai kawhnak cu missionary thluntu pawl cang dingah,” Puithiam formation ih seminary hrangah lungawi thu a rak sim.

           Clevelan Diocese ih hmaisabik Bishop, Bishop Amadeus Rappe in 1848 ah Cleveland Diocese ih St. Mary’s seminary a rak din.

           Hi thuthang cu RVA thuthang ih kan ngah mi a si.

https://bit.ly/3ZyMbLD