France, Bordeaux ih Sacred Heart Catholic Church cu March 12 le 13 zan ah siatsuah tuar.

France, Bordeaux ih Sacred Heart Catholic Church cu March 12 le 13 zan ah siatsuah tuar.

Bordeaux Archdiocese ih pehtlaiawk nak ah tuanvo neitu upa Constance Pluiaud cu March ni 13 ah thuthannak ca pakhat a rak suah ih donak siatsuahnak pawl a dem. March 12 in 13 zanah Sacred Heart Biakinn pi hmailam le phar hrekkhat ah cangan vek in zuk an rak suai. Cui hmun ih a thlengtu meisa that tu pawl in Biakinn hmai ih meisa khal an rak that ngah thei. Hi mi thu an suahnak ah Biakinn kan siatsuah lo tiah an rak ngan.

          Biakinn hmailam le Biakinn luhnak sangka pawl, Phar pawl parah khuavang thalo le communist ruahnak tha lo le uktu nei lo pawl tin zuksuai vek, ca ngan vekvek in an tuah. Siatsuahtu pawl cu Devil take me with you lole a lak in meisa ur aw tian motto vekin an rak ngan. Frence ram Bordeaux ih um Sacred Heart Church Biakinn phar pawl ah zuk an rak suai.

         Mi tha lo pawl in Biakinnkiang ih hnawm pawl an ur ih Biakinn kiangte tiang an ur ko nan Biakinn kang ngah lo in Meisa that tu pawl in an rak mit suak thei. New Aquitaine Parish cu cu thilcang pawl an thei ter ih zohhliahnak an rak tuah. New Aquitaine ih uktu Etienne Guyot in siatsuahnak cu a dem thu le a tul mi zingzoinak tuah ding a rak dil. Kut thiam hmin thang Jean- Jules Mondet in kum zabi 19 ah Bordeaux khuapi lai ih Sacred Heart Biakinn a rak sak mi a si. Hi mi thuthang cu RVA thuthang ih kan ngah mi a si.

https://bit.ly/3FBt6QQ