Pope Francis in Bishop Hobaran Pawlpi ih a apawk nak parah sunlawih.

Pope Francis in Bishop Hobaran Pawlpi ih a apawk nak parah sunlawih.
Pope in March 22, 2023 ah Philippines ram Catarman Cathedral ih March 11 niih nunnak cem tu Catarman ih Bishop Angel Tic-I Hobayan hnatuannak ruangah a upatnak a lang ter.
Bishop Hobayan (93) cu Catarman ih a hmaisa bik bishop a si ih saklam Samar province ah kum 30 sung rian a rak tuan. Amah cu a nunnak a cem tik khalah a kum upa bik mi bishop khal a si.
Bishop Emmanuel Trance in Pope ih cakuat mi cui hmun ih Kawhhran mipi pawl hnenah a nunnak cemtu bishop ih kum reipi Puithiam nunram ih a ap aw nak thu le an mah thawn naite a um thu a langter nak ca a rak siar sak.
Pehbet in zianghmuah tuah theitu Tuukhal tha a si mi Khrih in a hnatuannak parah hahdamnak le lungawinak thawn vancung a thlen theinak ding hrangah thla za ka cam tiah rak sim.
Catarman Cathedral ah Pope aiawh tu Archbishop Charles Brown in Missa raithawinak a tuahsak ih San Diego, Diocese ah tuanvo nei tu Philippines Puithiam Fr Augustin Opalalic in thuthangtha a rak sim.
Hi tawk thi vuinak ih kan telnak cu a mai hrang thlaza camsak dingah a si tiah Archbishop Brown in a sim.
Kan dung kum 18 lai in bishop dinhmun in a rak cawl zo ko nan Bishop Hobayan cu a mah aiawhtu bishop Emmanuel Trance in a thazaang a mal tuk hlan tiang cu hnatuan dingih a sawm caan khal ah el sing lo in a tulnak ah in rak bawm theu tiah Fr Opalalic in sim.
Bishop John Du hoha in Palo province ih Puithiam pawl tel in nunnak cemtu ih vuinak caanserh ah minung tampi an rak tel thei. Missa theh hnuah Cathedral Biakinn pi Pulpit kiangah ruakvuinak an tuah.
1955 March 25 Eastern Samar, Taft ah Puithiam caannak a rak ngah. Vicar general dinhmun in rian a tuan ih hleiah diocese ih seminario de Jesus Nazareno ah a hmaisabik rector dinhmun in a rak tuan.
Hobayan cu 1974 ah Pope Paul VI in Catarman diocese hruaitu dingah tuanvo a rak pek.1975, March 5 ah Hobayan cu Bishop si nak a rak ngah ih 1975, March 11 ah tuanvo a rak la thok. Hobayan cu bishop pawl an cawl theu nak kum 75 a kim kum 2005 March 10 ni ah a rak cawl. Hi thuthang cu CBCP thuthangih kan don mi a si. Casiartu zate parah lungawinak tampi kan nei.

https://bit.ly/3K1awnM