Catholic Charity in ISIS ih do hnu Afghan nunau 20 an run

Catholic Charity in ISIS ih do hnu Afghan nunau 20 an run

          The Vulnerable People Project (VPP), US ih Catholic charity in Sep 30, 2022 ah ISIS pawl ih donak ruangah hriamhma besia tak le siivai tuamhlawmnak tul nacing ih tanta mi, kumhra vuakvel Afghan nunau 20 pawl dungding dingah an bawm rero.

          Nunau 20 pawl cu tlawnginn ih bomb a tlak lai ah Kaaj Hazara Education Center ah university kai theinak exam tuah dingah an rak timtuah rero laifang a si. Bomb puahnak ruangah tlawngta 46 tel in minung 53 an thi ih mi tampi in hriamhma an tuar.

          “Hi nunau pawl in saduhthah mi 2 an nei: ziangah tile nunau an si ruangah fimzirnak an thlun rero ruangah le mipum mal mi miphun ih an tel ve ruangah a si,” tiin VPP hrangih legislative and diplomatic relations liaison, Marilis in CNA ah a rak sim.

          “Hazaras cu Afghanistan ah hrem a rak tuar ih Taliban in Aug, 2021 ih siatralnak pawl dung a siip hnu ah an mai hremnak pawl a luar deuhdeuh,” tiah Pineiro in a rak sim. Taliban in Afghanistan a lak hnu ihsin nunau tampi le nupi nu pawl in an fimzir an rak cawl. UNESCO ih tarlang vek a si le, tlawngta kum hrawng Afghan nunau le nupi nu zateek 80% le mipi 2.5 million pawl cu tlawng an colhnak a rei thlang ti a si.

          Hazaras pawl cu Sunni-majority Afghanistan ih Shia Muslim pawl an si ih nunau pawl cu fimthiamnak sang an zir rero lai ruangah an mah an tinnak bik a si. VPP dintu le president, Jason Jones in nunau pawl runnak in beidonnak tampi umnak hmun ah ruahsannak a pek tiah EWTN News Nightly Friday ah a rak sim.

          “Hazara pawl cu Afghanistan ih um mipum malte an si ih ISIS kut sungah miphun hlohralnak an tong,” tiah Jones in a rak sim. “Hi nunau pawl in an tulsam mi siivai lam bomnak ngahnak, an fimthiamnak lam thangso dingin tuah a theih ti hmuh theinak an ngah. Hi hi hloptlo zet mi caan a si. Ruahsannak a pek.”

          Hi thuthang cu CNA thuthang ih kan ngah mi a si.

https://bit.ly/3M05Sbi