Vatican ih lungkimnak um loin Shanghai ah Chinese Bishop tuanvo ap.

Vatican ih lungkimnak um loin Shanghai ah Chinese Bishop tuanvo ap.

          Vatican ih lungkimnak um loin Shanghai ih Bishop dinhmun in tlawngkai nihnih ah Chinese Bishop pakhat tuanvo an rak pek tiin Asia News ih tarlang nakvekin theih a si. Haimen ih Bishop Joseh Shen Bin cu the Council of Chinese Bishops in Shanghai Diocse hruaikai dingah tuanvo an rak pek tiin Bishop’s conference of Chinese ih thuthan ah an rak tarlang.

         Shen Bin cu the Council of Chinese Bishops hruaitu khal a si tiin Asia News in a rak tarlang. Vatican ih sim rel theinak neitu Matteo Bruni in tlawngkai nihnih ni ah “Haimen ihsin Shanghai ah Shen Bin tuan dingah Chinese thuneitu pawl ih thubohcatnak cu Pope Francis in kan dung ni rei lo te ah thuhla simfiangnak a rak neih thu a rak sim ih tui zing ah tuanvo apnak thuhla cu media ihsin a rak zir,” tiah a rak sim.

            Tu ahcun Bishop ih thawnnak thawn pehpar in Pope Francis ih thuralcatnak ah ziang dang bet ding a um lo tiah a rak sim bet. Shanghai Bishop dinhmun in Vatican ih lungkimnak tel loin Shen Bin tuanvo peknak cu Vatican-China lungkim mi pahbal nak a si tiah Asia News in a rak tarlang. Shen Bin cu 2010 in Haimen ih Bishop dinhmun in Vatican ih hremnak peknak thawn a rak tuan. Shanghai Diocese in kum 10 hrawng Catholic Bishop an rak nei lo tiah Asia News in a rak tarlang.

            March thla ah, Vatican ih ramdang minister in EWTN News ih a rak sim mi ah “Vatican-China ih lungkimnak cu a tha bik mi lungkimnak ah a cang thei nawn lo” thu le tha deuh ih tuan thei dingah lungkimnak reltlangnak pawl an tuah rero lai tiah a rak sim. Ramthen pawl thawn pehtlaihnak hrang Vatican ih secretary, Archbishop Paul Richard Gallagher in Pope in palai pawl cu 2018 ah hmaisabik lethmat rak thu tu Bishop pawl tuanvo apnak thawn pehpar in Beijing thawn Pope ih lungkimnak hrangah an reltlang rero lai tiah a rak sim.

         Chinese President XI Jinping cu kan dung thla ih rak tuah mi hrilawknak ah Xi lungkim in mee rak petu mipi pawl ih congress hluatdaw thurel tlangnak ih ton dah lo mi veithumnak president a rak tuan tiih ruah mi a si. 2018 ih the National People’s Congress ah president hrilnak hrang rikhiah pawl hrial in Xi in kumkhat sung thuneihnak ah hmaisabik lethmat a thut hlan thlaruk a duh ah Xi an rak ap. Xi ih kaihhruainak hnuai ah, milai covo le Biaknak lam zalennak pawl a um tuk nawn lo. Xi in China ram ih nitlaknak saklam, Xinkiang ah Uyghur Muslim pawl parah rapthlak zet ih a hremnak parah ram tinkim ih mawhthluknak a tuar rero ih acozah lam tuanvo neitu pawl in Thinglamtah pawl thawn in Biakinn pawl an rak bal.

         2022, November ah Vatican in Chinese thuneitu pawl in Bishop pawl tuanvo peknak lam lungkim mi cin le daan pawl an rak bal thu a rak sim. Nov 26 ih suah mi catlang pakhat ah Jiangxi ih auxiliary Bishop dinhmun ih tuanvo rak pek mi Bishop John Peng Weizhao hnenah Pope in mangbang le riahsia zet in a rak langter ih diocese pakhat cu Vatican in a rak nemhnget lo tiah an rak tarlang. March thla ih EWTN News thawn thusuhawknak ah Gallaghar in a dang Bishop pawl tuanvo apnak hrangah thurel tlangnak pawl a um tiah a rak nemhnget. Hi thuthang cu CNA thuthang ih kan ngah mi a si.

https://bit.ly/3m7cGcq