Catholic Pawlpi in thosal puai theh hnu nikhat ni cu Monday of Angel ni hmang.

Catholic Pawlpi in thosal puai theh hnu nikhat ni cu Monday of Angel ni hmang.
Easter hnu nikhat ni cu Catholic pawlpi in Monday of the Angel puai a tuah. Europe le thlanglam America ram tampi ah hi ni cu a fate mi thosal puai (little Easrter) national holiday ah an rak hmang.
Pope John Paul II 1994, Vatican Radio ah simfiangnak a rak nei dah. Ziangruangah hitin an ko ti a sile Pope in thlansung thuk tak in vancung mi ko suak dingah a tul thu, thupit in a rak sim. Amah cu a thosal zo tiah a rak sim. Hi mi ttongkam cu simthan dingah le langsar ter dingah minung pakhat hrangah a harsa tuk tiah Pope John Paul in a rak sim. Cui tlunah thlan ih a um tu nunau pawl a lak vek an si konan a thosal zo ti thei lo in thlansungah zianghman um lo tiah an rak ngamhnget. Vancung mi in hinah a um nawn lo a tho zo tiah a rak sim.
Cathianghlim Matthew in hi tin a rak ngan: Vancungmi cun nunau pawl hnenah, “ṭih hlah uh; thinglamtah parih an thahmi Jesuh nan hawl ti ka thei. Hinah a um lo, a rak simcia bangtuk in thihnak ihsin thawhter sal a si zo. An phumnak hmun hi ra zohhnik uh. Zamrang in va feh uhla a dungthluntu pawl kha ‘Thihnak ihsin thawhter a si zo; nan hmaiah Galilee ah a feh ding ih cutawkah nan hmu ding!’ tiah va sim uh. Ka lo sim mi hi hngilh hlah uh,” tiah a ti.
Vancung mi pawl cu Pathian riantu le tirhfung an si. A thianghlim mi thlarau an si vekin fimnak le theih thiam theinak an nei. An mah pawl cu a thi thei lo mi thlarau an si ih an mai thilti theinak cu thaw nei mi pawl hnakin a fam kim.
“Hi bangtuk nauhakte nan zawmtai lonak dingah ralring uh. Fiangtein ka lo sim: anmah kilvengtu vancungmi pawl cu vancungih ka Pa ih hmaiah an um ringring a si.
Khrih cu Vancung mi le zianghmuahhmuah neitu a si ih a laifannak khal a si. Rundamnak ih a mai tumtah mi ah tirhfungih a hman mi an si ih Bawinu Maria nau a von ding ti mi thuthannak ah vancung mi in a than ih minung a cannak le a thawhsalnak ah vancung mi le Mary Magdalene in thu an than.
Easter theh hnu nikhat in Pentecost ni tiang, Angelus thlacamnak ai ah Regina Caeli thlacamnak cam a si. 2008 ih Monday of Angel ni ah Pope Benedict XVI nak in Regina Caeli cu Bawinu ih naute Jesuh cohlannak a thar in in mang ter sal tiah sim.
https://bit.ly/41c3eDU