Divine Word Missionary tlawngta 19 Indonesia ah Deacon sinak ngah. (June 4, 2023)

Divine Word Missionary tlawngta 19 Indonesia ah Deacon sinak ngah.

          Divine Word Missionary tlawngta 19 cu Indonesia, Maumere Flores, Ledalero, Saint Paul’s High Seminary ih Grand Chapel ah Deacon sinak an rak ngah. Sahriak culh tu cu Flores, Ruteng ih Bishop Siprianus Hormat a si. Thuthangtha a simnak ah Bishop Hormat in Pawlpi ih hramthok thuhla ah puithiam nunram cu ministry ih hmunthumnak a si ih hlei ah mi tampi ih rundamnak parih langhngan ih thatnak um ding mi aamahkhaan an si tiah a rak sim.

          Hi a tul mi hmuhdaan pathum ih a hngetkhoh mi in Pathian ih milai pakhat dinhmun ih cangvaihnnak ah in hruai ding. Bishop Hormat in hi hmuhdaan pathum pawl ih famkimnak cun Pathian ih palai pakhat in a hnok bik mi dilnak pawl le ministry ih hniksaknak pawl hman raltha zet ih hmaiton dingahh a ding tiah a rak sim.

          Bishop in kan ministry ih tel mi ah, tuah theinak le thuneihnak paah religious hruaitu pawl thleem tu pakhat a um ti cu thup a theih lo tiah a rak sim.“Thil tuah theinak le thuneihnak in rilhbahnak le hall pakhat ah thang in awk thei. Deacon pakhat in hi theihthiamnak a neih a tul. Asinan, a dik mi hnatuan cu thawm huham thawn pehtlaih lo in duhdawtnak, rin umnak le Pathian ih duhnak langter dingah in thangpawhk.

          Missionary tuantu deacon pawl cu Indonesia tel in leiltlunhuap hmunkip ah rian an tuan ding. Indonesia ah Muslim pawl an um ko nan Catholic tlawng pawl ih ai-awhtu pawl cang dingah dilnak tumpi a si. Leitlunhuap ih tumbik mi seminary cu Flores Island, rainforest pakhat ih a lai lak ih um mi tlang pakhat ah a um. Indonesia nisuahnak lam hrekkhat ih um mi Lesser Sunda island pawl khal Flores ah an um.

          Kum tinten tlawngta 1000 cu Ledalero ah cazin an pek ih a malbik 600 cu Puithiam nunram ih um duhtu pawl an si. Flores ih island ah Divine Word Missionary pawl cu 1912 ihsin an rak tuan thok zo. Tu Indonesia ah, Divine Word Puithiam pawl le brother pawl 2,000 luan an um.

          Ledalero cu riantuan tu pawl an thlen hlan ah a hleice in rualpi nei lo in a mah te lawng a rak um. Cu tawk ih um tu pawl cu cui hmun ihsin a hlatnak ah an um. Ziangahtile tihnung zet mi thlarau pawl ih inn tiih an ruah ruangah a si. Ledalero cu cu tawk hmuh ih Catholic seminary tlawng an rak sak ihsin a rak thleng awk. Tu ahcun, Indonesia ih um mi Catholic kohhran mipi pawl lawng si loin hmun tin ah Catholic kohhran mipi pawl in cu mi thawn pehpar in duhnak an nei thlang.

          Diklonak, farahnak, le leitlunhuap ih minung pawl ih nunphung thansonak dodal ih an tuan rero lai ah, Puithiam pawl cu leilungpi ah feh in Gospel thuthangtha phuang dingah seminary tlawng ah thu an zirh. Catholic Puithiam pawl cang dingah, Ledalero ih Indonesia tlawngta pawl cu philosophy le theology an zir.

          Indonesia ih mipum zateek 85% cu Muslim an si ko nan, Catholic pawl in Flores ih island ih zateek 70% an kom thei. Indonesia ih Biaknak lam hmuhdaan ah Flores island cu sambaunak pakhat a si. Mipum 70% um mi Flores Catholic kohhran mipi pawl cu island ih um tu zateek 85% um mi Muslim pawl hnakin an tam sawn. Catholic biaknak a phunphun pawl, a bang aw lo mi Pawlpi ih hnatuan pawl, Catholic sungkua ih a hngetkhoh mi zumnak pholangnak pawl, raithawinak pawl, Sr. pawl le mipi pawl ih teette cu Flores ah Puithiam nunram le religious nunram ih umtu pawl tamter tu thu hrampi pawl an si.

          Hi thuthang cu RVA thuthang ih kan ngah mi a si.