Pope Francis cu Mongolia ih a Tuukhaal khualtlawng dingah timtuah. June 05. 2023

Pope Francis cu Mongolia ih a Tuukhaal khualtlawng dingah timtuah.

June 05. 2023

          Pope Francis in Ulaanbaatar ih Apostolic Prefecture ah Catholic mipi 1500 hrawng tong dingih a timtuahnak hmun, Mongolia ah tui kum Aug 31- Sep 04 tiang tlawng dingah a timtuah. Cardinal Giorgio Marengo ih simnak vek a si le, Ulaanbaatar ih Apostolic Prefect, hi tuukhaal khualtlawnnak cu a malte mi Mongolia ih Catholic pawlkom ‘sunsaknak le naihniamnak ih a thupi zet mi hminsinnak pakhat’ a si tiah a rak sim.

          ‘Pope Francis ih khualtlawnnak in hi rampi ih mawinak le a miphun ih sunglawi zet mi a mawinak pawl, hi Asia ram ih um ringring mi a thuk zet mi cin le daan pawl a kilkhawitu pawl hnenah a thleng ter thei ding ti cu a fiang,’ tiah a rak sim.“Catholic pawlkom fate hrangah, thuthangtha hrang nunnak hlan in rak tuantu Christian riantuantu pawl ih thawmvang um lo ih rahsuah mi pawl ruat in thluasuah ih laksawng pakhat a si ko ding. Thlah mi pawl ih pakhat lawng a si mi thatnak hrangah,” tiah Cardinal in a rak sim bet.

          Cardinal Marengo in St. Peter ai-awh tu umnak cu kum 2000 lai ihsin Mongolia ih rian rak tuan tu nunnak cem zo mi Fr. Stephen Kim Seong-Hyeon ih tumtahnak a si thu a rak sim. Catholic mipum malte lawng an um ruangah pawlkom sungtel tinkim in Pope cu an ton theinak hi leitlun ih Pawlpi lawngah a um tiah a rak sim.

          “Pope Francis thawn zuk pakhat sungah zumtu zaten tel ding a cang thei men ding,” tiah Cardinal in a rak sim bet. Cardinal Marengo khal in Pope Francis in missionary pawlkom le cui hmu ih Catholic pawl thawn tongaw dingah ruah a si tiah a rak sim. A sim vek a si le, religious congregation 10 le miphun 27 ai-awh tu 75 an tel. Puithiam 29, religious nunau 36, Puithiam cang hrih lo mi religious 6, le ministry riantuantu mipi 3 an tel ve.

          Cui hlei ah, Cardinal in hi Tuukhaal khualtlawnnak cu Mongolia Catholic Pawlpi ih unau pehtlaihawknak le Biaknak lam khat le khat thu reltlangnak a sawhkhih thei ding tiah ruahsannak a nei. “Mongolia ih Pawlpi cu a farah ih a fate zet. Mipum kan mal ih hlawnthli tampi kan nei lo,” tiah a rak sim. Asinan, pawlkom fate pawl ah, sunsakawknak a hngetkhoh zet mi a um ih mipi lak ih um mi duhdaw awknak khal in a sunglawi zet mi thudik, thuhman a nemhnget.

          Cardinal khal in Mongolia Catholic mipum malnak cu a lenglam ih hmuh daan men a si ih cui hmun ih um tu pawl in Bible thuthangtha nitin ten an umnak hmun ah that ho ten an ruat, tiah a rak sim bet. Mongolia ram ah Christian Biaknak cu kum 1000 a thok lam ihsin a rak um zo ko nan, tui san ti luan ah ram sungih Catholic Pawlpi ah thatnak a thlennak kum 30 cu, 2022 lawngah an rak tuah. Cui hmun Pawlpi tamsawn cu mission riantuantu pawl ih zohkhennak thawn, an hnatuan mi tam sawn in milai sawmdawlnak project vek in an tuan.

          Hi thuthang cu RVA thuthang ih kan ngah mi a si.