Catholic Sr. pawl, Puithiam pawl in India ih duhphorh nak tuah rero tu wrestling lek tu pawl an lungkim pi thu sim ( June 06, RVA )

Catholic Sr. pawl, Puithiam pawl in India ih duhphorh nak tuah rero tu wrestling lek tu pawl an lungkim pi thu sim ( June 06, RVA )

       The Conference of Religious India ( CRI ) in ram ih khualipi ah kan dung ni (15) sung ih nunau le mipa lam thatlonak dodal tu India nunau pawl an lungkim pi thu a uak tarlang. CRI President, Sr. Nirmalini Nazareth in “kan mah, nunau pawl le mipa ( the Conference of Religious in India ( CRI ) in miphun hniksak in le milai sinak tiih hngetkhih zet ih an sim ruangah kan lo sunloih”, tiah a rak sim.

        “Tu le tu nunau le mipa lam thatlonak lam ah hnaihnoknak tuar in, hmatuan nak, an kiangkap pawl le mipi pawl lak ih (bawmtu neih lo nak) a tuar tu nunau pawl huang zohthimtlak a si”, tiah a rak tarlang. A sim vek a si le, India ih Catholic zumtu pawl in ralkap pawl ih fihnungza an tuah mi pawl mawhthluk in wrestling lek tu pawl in an mai a dik mi hloptlonak cem ter dingah a rak forh.

       April 23 ihsin thok in, Bajuang Punia, Sakshi Malik, Vinesh Phogat, le Sangeeta Phogat vek in wrestling lek tu pawl in Brij Bhushan singh kai dingah zaangfah an rak dil. Sharan Singh in kumkim hrih lo mi tel in nunau tampi cu nunau le mipa lam thatlonak lam in a rak hmaihnok thu puhmawhnak pawl a um. Rampi in meisa kangnak le harsatnak pawl an ton rero lai ah , Sr, Nirmalini in mipum 130,000 luan in an remcang nak hmun pawl ihsim tlan dingah a ko hmu nili a rei ah cui ca cu a rak ngan.

      Wrestling lek tu pawl le Manipur ih mi harsa pawl bawm ding ah, zumtu pawl hnenah dokalhnak pawl, kekar tlangnak pawl, le ton khawmnak ti vek cangvaihnak a phun phun ih tel ding ruahnak a rak pek. Wrestling lek tu pawl sawmdawl nak ah, religious pawl, biaknak lam upa pawl, le mipi pawl hnen ah June 05 ih cem mi ram pi ih ninga sung cangvaihnak ih tel dingah a rak forhfial. Thuhla dik ten theihfiangnak hrangah, duhphorh nak cu Sr.Nirmalini in a mai conference ih diocesan unit pawl ih timtuah sak dingah zaangfah a rak dil.Hi mi thuthang hi RVA thuthangih kan ngah mi a si.