Nigeria’s Jos Archdiocese ah Missionary Puithiam kaih a tuar ih security pakhat thah tuar. June 19, 2023

Nigeria’s Jos Archdiocese ah Missionary Puithiam kaih a tuar ih security pakhat thah tuar. June 19, 2023

          The Oblates of Mary Immaculate ih sungtel pakhat a si mi Fr. Marcellus Nwaohuocha cu methal keng tu pawl in Nigeria, Jos Archdiocese ih St. Paul Bomo Parish ih riantuantu an do hnu June 17 ah kaih a rak tuar.Zarhpi ni, June 18, Nigeria ih hruaitu, Fr. Peter Klaver in, Nwaohuocha cu methal keng tu pawl Parish inn an luh ngah hnu ah kaih a rak tuar tiah a rak sim.

          Kidnap tu pawl in security pakhat an kap ih siizung an feh pi lai ah a thi tiin Klaver in a rak sim. Kaih tuar mi puithiam thawn pehpar in, Klaver in, “zo in an hruai ti zohman in an thei lo,” tiah a rak sim. Klaver in Nwaohuaocha hmin dam ten a tlun theinak ding hrangah thlacam sak dingah zaangfah a rak dil.  June 11 ah, Kafanchan Diocese ih Puithiam, Fr. Jeremiah Yakubu cu kaih a rak tuar ih neta ah an rak thlah sal.

          June 7 hlan ah, Aug 13 ah Puithiam dinhmun ih hmaisabik a kumkim hngilhlonak tuah dingih tawl rel tu Benin City Archdiocese ih riantuantu sungtel Fr. Charles Onomhoale Igechi cu a tuanvo a tuan rero nak hmun ih a tlunnak lamtluan ah an rak kap.

          June 2 ah, Nigeria’s Nnewi Diocese ih riantuan rero tu puithiam pakhat, Fr. Stanislaus Mbamara cu kaih a rak tuar ih neta ah an rak thlah sal. May 27 ah, Nigeria’s Sokoto Diocese ih Bishop Matthew Hassan Kukah in Nigeria miphun pawl ih tuar mi hriamhma pawl le natnak pawl, a phenthlaam ih thu hrampi pawl phorhsuak dingah Nigeria president thar a rak dil.

          Hi thuthang cu Catholic news agency thuthang ih kan ngah mi a si.