Leitlunhuap mino puai (World Youth Day) thlakhat duh ih mipum hisap zat lang ter. (July 2, 2023)

Leitlunhuap mino puai (World Youth Day) thlakhat duh ih mipum hisap zat lang ter. (July 2, 2023)

         Mipum 600000 luan in register tuah dingah timtuahnak an thok zo. Suncaw le zanriah hrang khal ah minung tan 3 hrangah cah dingah timtuah a si. Puithiam 10000 in mino puai ah feh dingah tim an tuah zo ih ramsungih innsang  thawng 7 pawl in khawmzawhtu ding hrangah an mai inn pawl san dingah timtuahnak an nei. Hi mi hi Portuguese ram Lisbon khuapi ah zarhkhat hrawng a rei ding mi leitlun huap mino pawl puai cu timtuah tu pawl in puai tuah hlan thlakhat duh ih an ngah zo mi le an timtuah zo  mi mipum cazin pawl a si.

        August 1-6 tiang tuah ding mi Catholic zumnak lam thawn pehpar mi ramtin mino pawl tonkhawmawk nak hngilh lonak puai ah Pope thawn tongaw in thlacam tlang dingah Leitlun huap mino pawl thawn tonawknak puai a si. June 30 ni ih thuthang sungih tarlang mi puai timtuahnak  thawn pehpar mi cu a tanglam vekin a si.

·        Minung 663000 hrawngin register hrangah timtuahnak an nei ih ram 151 in 313000 mipum pawl cu khawmzawhnak ding hrangah register tuahnak an nei fel zo tiah an tarlang. Tuinu tiangih khawmzawhnak ah hmin cazin pe tambik tu ram pathum pawl cu Spain in  (58,531), Italy (53,803), France (41,055), le Portugal (32,771) an si.

       America ram in  14435 mipum in register tuahnak an nei zo.

·        70% (214500) register tuah zo tu pawl in khual thlennak ding hmun an dil. A tutiangah Lisbon khuapi  le Santarem le Setubal  ramri, inn hnen pawl pehpar tu pawl in Parish ih sin 7138 zat in cazin an pe zo ih inn pawl khalah khawmzawhtu mino pawl hmuahnak nei dingah le a dang 470000 luan pawl khal zanriahnak dingah tlawnginn pawl le leknak hmun pawl ih riak ter dingah timtuahnak an nei zo.

·        Register tuah zo tu  minung 90% zatek (289000) khawmzawhtu ding pawl in rawleinak ding hmun khal dilnak an nei. JMJ Lisbon  2023 foundation in sunrawl le zaanrawl hrangah minung tan 3 hrangah rawldawr pawl le cetzung pawl ah lungkim tlangnak ca an la zo.   

·        32717 cu puai hrangah vulunteera tuan dingah cazin tuah an thok thlangih 22282 mipum cu an tuah theh zo. Cu mi sungin minung 500 cu Siibawi le Nurse lole harhdamnak lam ih hnatuan tu pawl an si ih puai sungih harhdamnak lam ih riantuan tu ding pawl an si.

       Bishop 698 pawl le Cardinal 29 pawl in World Youth day hrangah register an tuah fel zo tiah an tarlang. Ram ih palai ding ih thlah mi pawl ah Italy in 113, Spain 77, United State 76, France 75 le Potugal 45 pawl tla an si. Cardinal ,  Bishop pawl le Puithiam pawl hruk dingah vestment (Missa sumnak ih hruk mi puan) 10000 zun cu timtuah cia a si.

·        August 1 in 4 tiang “Reconciliation Park” ah  sualthlah ngai nak hmun 150 a um dingih Sualthlah ngaisak tu ding Puithiam 2600 ret dingah timtuahnak neih a si zo. Sualthlah nak ah  Leitlun huap mino pawl puaipi ih hman ding mi ttong phun ngah in sualthlah ngai a si ding ih cu mi pawl cu Portuguese, English, French, Spanish le Italian ttong pawl hman a si ding.

·        Portugal ram ih National Association of Protein Producers a si mi Oilseeda le Cereals in Bawipai Sangreu tuahnak ah Portuguese Sangvut tan 2 an hlu ih cu mi cu Lisbon ih the Clarisse Sister of the  Immaculate Heart of Mary Monastery pawl in an tuah ding.

·        Tuini tiang puai caanserh ah Media 2069 pawl hnen in dilnak an ngah thu khal an thei ter bet. Cun Registration information thu le a san nak thu khal sut thei ringring a si thu khal an tarlang. hi mi thuthang cu Catholic news agency in kan don mi a si.