Pope in St.Peter le St.Paul puai ni ah “kan fehnak kip ah Bawi Jesuh keng uh si” tiah sim.

Pope in St.Peter le St.Paul puai ni ah “kan fehnak kip ah Bawi Jesuh keng uh si” tiah sim.

Pope Francis in St.Peter le St.Paul tei  ih Puai ni Missa sumnak ah leitlun hmunkip ih Bishop thar pawl thawn a tuah tlang.

          Bishop thar 30 luanhrawng khaisan an si. Cu mi tuanvo thar a peknak cu nikumah a si ih Covit natnak thawn pehpar mi daan pawl a um nawn lo hnulawngah Bishop pawl in an ngah ding mi pawl an cohlang thei lai a si. `                  Missa biakthawinak sungah ‘seises’ Spain pate ih Choir le Pope ih Biakinn ti ih mi theih tam mi Sistine Chapel ih Choir pawl le coro guide pawl in Missa biakthawinak sungah hla thawn cawimawinak an rak nei.

          Pope in Pathian thuthangtha a sim laiah St.Peter cu man cia in a um tiah a sim ih cuihnu ah Bawi Jesuh dung rin um ten a rak thlun thu, St. Paul cu thuthangtha a simnak ah Pawlpi ih zohthimtlak mi a si thu a rak sim,

          Missa sumnakah Ukraine ram palai pawl ih nupi pawl tla an rak tel ve. Missasumnak a thehzawngah Pope in Orthodox biaknak lam hotu Bartholomew ih  thlah mi aiawhtu pawl hnen a lung a awi thu a rak a sim. Hi mi thuthang cu romereport thuthangih kan ngah mi a si.