Pope Francis tlawnnak le Leitlun huap mino pawl ni hngilh lo nakah Portuguese a Cozah in Tacik luu pahnih suah.

          Potugal khualipi Lisbon ih tuah ding mi leitlun huap mino pawl ni a thlennak ding zarhhnih lawng a duh thlang. Cui thuanthu ih tang ding mi hmuah nakah July 19 ni in Tacik luu pahnih Potogal a Cohzah in a suah. Leitlun huap mino pawl puai ni cu August 1-6 tuah ding a si. Tacik luu ah Pope Francis le leitlun huap mino pawl ni ih hngilh lo nak tacik a si mi Thinglamtah le Salus Romani Populi Bawinu Maria zuk an ret. Hi mi Tacik luu ih man cu 0.60 euros le 1.15 euros an man ih (75000) zat lawng an suah lai.

         Poturgeuse ram ih Sataih (cakuatnak) hnatuannak in an suah netabik Tacik luu thar an suah nak cu kan dung kum August thla in a si zo. Poturgeuse ram ih khuapi ih leitlun huap mino pawl hrangih an timtuah mi dinhmun cu an duh mi dinhmun a thleng zik thlang. Khuapi sungah Museme (Zukhmuh nak) hmun 178 ah an hmuh ding.

         Cui Museum ih feh dingah a ol nak hmunah an tim tuah. Cui zukhmuhnak ih a thupi bik ih tumtah mi cu kiangkap kilhimtu mithianghlim a si mi Assisi khuapi in St. Francis ih thu hngauhsan in Pope Francis in "Laudato Si' capi ngan mi ngan in an suah mi a si ruangah cu mivekih langsar dingah an tuah mi a si.

        Padua  khuapi in St.Anthony le Mithianghlim Marcel Callo pawl ih thu khal zukhmuhnak ah an ret ding. Cuvek thotho in rampi thuanthu um daan vekin dungthluntu 12 sungin pakhat a si mi St.James ih biakinn pi umnak Santiago de Compostela khal telh in an ret ding a si.

          Bawinu Maria thawn pehpar aw mi thu khal an ret ding. Ziangruangah tile Bawinu Maria cu Fatima khua ih Tuukhal unau pathum hnen ih langnak a hmuhnak hmun le ram a si.

Leitlun huap mino pawl ni ih thenkhat a si mi nunphung thawn pehpar mi then 480, biaknak , Lehpannak phun 100 khal ret in an timtuah cia. Hi mi thuthang cu shalom world in kan don mi a si.