Hrilnak ngah mi Cardinal Aguiar cu WYD ih tel thei lo mi Holy Land ih mio pawl hnen tlawng. (July 26, 2023)

Hrilnak ngah mi Cardinal Aguiar cu WYD ih tel thei lo mi Holy Land ih mio pawl hnen tlawng. (July 26, 2023)

          Potugal ram, Lisbon khuapi ih Auxiliary Bishop le World Youth Day Foundation hotu, American mi, hrilnak ngah tu Cardinal Aguiar in tuar thei nak le zuamnak in zirh tu tahthimnak an si tiah sim phah in, WYD ih tel thei lo tu Holy Land ih mino pawl hnenah Pope Francis ih naihniamnak a keng.

          Lisbon khuapi, World Youth Day Foundation hruaitu le Lisbon ih Auxiliary Bishop, American mi hrilnak ngahtu Cardinal Aguiar in a ralai ding mi World Youth Day ih tel thei lo mi Holy Land ih mino pawl hnenah a tlawng.

          Khual a tlawn sungah, Palestine Christian Youth ih General Secretariat in July 22 ah, Jerusalem Latin Patriarch, hrilnak ngah mi Cardinal Pierbattista Pizzaballa, le hrilnak ngah mi Cardinal Aguiar pawl thawn Bethlehem, Beit Jala ah Mass raithawinak an rak tuah.

          Pope Francis in cui hmun ih cang rero lai mi tuahmawhnak pawl rehnak ding hrang le a tuar rero tu pawl hnenah a cem thei lo mi a naihniamnak langter phah in remdaihnak hrang zuam tento dingah zaangfah a rak dil bet.

          Hmailam caan hrangih Pope ih ruahnak tha pek mi pawl tel in Cardinal in a khualtlawnnak hrang thuhla a rak siar.

          Hmaisabik ih a sim mi cu Holy Land ihsin Lisbon ah khawmzawhnak hrang timtuah dingah a ratu mino pawl hnenah thukamnak pakhat silhkhah ding ti a si. WYD hlan ah tikcu remcang hawl in ka ra ding tiah ka rak sim hai ih hi vek hi a si ko.

          A dang thuhla pakhat ah, “Lisbon ih ra tel thei lo tu pawl hngilh hlah uh,” tiih Pope Francis ih I sim theu mi a tel. Cui zuamnak ka tuah! Ukraine le   Holy Land ti vekin Lisbon ih feh dingah harsatnak a nei tu mino pawl tong dingah ka zuam.

          Hmailam caan ih Cardinal in tui thla thok ah Ukraine mi mino pawl hnenah a naihniamnak keng dingah hleice tak in a rak tlawng.

          Holy Land ih Catholic pawl cu tahthimnak pakhat an si tiah hrilnak ngah tu Cardinal Aguiar in a rak sim. Ziangahtile kan hmuh thei mi donkhamtu pawl zaten an pahsuak thei ruangah a si. Thureltlangnak le hmuh ton mi pawl, ziang tinkim hi an cang thei.

          World Youth Day cu leitlunhuap ih tonawknak a si ih leitlunhuap mino pawl hnenih zumnak thleng dingah kan hlanawknak a tul, tiah rak sim bet.

          “A fiang mi cu Palestine mino pawl cu leitlunhuap ih mino pawl duhdawtnak, duhdawtnak umnak vek le a thupi zet mi tidaan in an thleng ding.”

          Jerusalem Latin Patrairch, hrilnak ngahtu Cardinal Pizzaballa ih thuthangtha a simnak sungih thu a pek nak ah, Jordan in mipum 90, Galilee in 50, Palestine in 200, hmaisabik Cyprus in mipum 20 pawl langsar ter in tui kum World Youth Day ah Holy Land ihsin tel tu mino tampi a rak sawh khih.

          Patrairch in Catholic mino pawl hnenah an nunram ih an ton mi dik lonak pawl tel in, an tikcu caan thil tha tuahnak ih hmang dingah a rak sawm.

          Lisbon ih Auxiliary Bishop khal WYD ih tel tu pawl zem ding mi rosary tuahak kutthiam dawr hrekkhat ah a rak feh. Caritas Jerusalem ih tuah mi hi project cun innsungsang tampi hrangah hnatuan a ngah ter.

          Aid to the Church in Need in tui kum World Day ih zem ding mi rosary suahnak ruangah innsungsang tampi sumlut um ding mi project a sawmdawl ding tiah a rak sim.

          Hrilnak ngah tu Cardinal Aguiar in, Pope Francis in tu le tu a sim vekin Pawlpi le hmailam caan hrang Catholic mino pawl ih bawmnak mangsal in hi thuhla ruangah World Youth Day a man hlat hleice thu a rak sim.

          “World Youth Day in mino tinkim hnenah Jesuh Khrih thawn tongaw tu ih hmuhtonnak le bulpaak lam reltlang ding pakhat a pek.

          Hi thuthang cu Vatican thuthang ih kan ngah mi a si.