Vatican in Pope ih Asian ram a khualtlawnnak ding Mottos le Logos suah.

Vatican in Pope ih Asian ram a khualtlawnnak ding Mottos le Logos suah.
Vatican in Pope ih Asian ram a Tuukhal khual tlawnnak ding hrangah September 2-13, 2024 ni tiang a tlawnnak ding thuluu cu zumnak, unau vekih umnak le zawnruahnak ti mi in a sau zet mi a Tuukhal khual tlawnnak thu cu an suah a si.
Jakarta hrangah indonasia nunphung man salnak ah langter mi sui zawngih tuah mi Muvanlai ih hmaiah dingin thlasuah pe tu kut kha an langsar ter.
Inlaid cu Indonasia ih zuk pakhat a si, cumi ah miphun le pawlkom pawl, ttong pawl, nunphung le biaknak lam ih zumnak tampi thawn a langsar mi tikhulh pakhat a si.
Papua New Guinea hrangah "thlacam aw" ti mi motto cu ram ih nisuah caan le nithlak caan kha mansalnak ah rong thawn tuah mi Thinglamtah pakhat a si. Cui thinglamtah parah vate zuk pakhat a um.
Timor Leste ram hrangah logo ih a laifannak ah Pope ih thlasuah pek mi kut an an langgter. Cumi dungah ramzuk a lang mi leilungpi , "na zumnak cu nangmai nunphung si seh'' tiah an ngan.
Singapore ram ih aiawh zuk cu an ram thantar ih Arsi panga in lam a hmuh mi thinglamtah a si, a khat lam ah cun lungrualnak le ruahsan nak kha a langter a si. Hi mi thuthang cu RVA thuthang in kan don mi a si.