Pope Francis in G7 thurel tlangnakah leitlun huap hruaitu pawl thawn tonawknak nei. (June 14, 2024)

Pope Francis in G7 thurel tlangnakah leitlun huap hruaitu pawl thawn tonawknak nei. (June 14, 2024)

Italy thlanglam ih tuah mi G7 thurel tlangnak ah Pope Francis cu America, Ukraine, India, Kenya, France, Turkey, Canada le Brazil upa pawl thawn bulpak in tonnak a rak nei.

Tlawngkai ni nga ni (June 14, 2024) zanlam ah Pope Francis cu G7 thurel tlangnak ah thucahnak a rak nei ih G7 thureltlangnak ah thusimnak a nei hmaisa biktu Pope tin khal ti a si. Thucahnak a neih hlan le a neih hnuah Leitlun huap rampi hruaitu pawl thawn bulpak in tonnak a rak nei. Pope in thucahnak caanserh a tuah hlanah a mah thawn tonawknak pakhat a rak tuah.

-Ramtin pawlkom sumpai lam kiltu director (Managing Director of the International Monetary Fund) Kristalina, Georgieva.

-Ukraine President, Volodymyr Zenlenskyy.

-France President, Emmanuel Macron.

- Canada Prime Minister, Justin Trudeau.

Thucahnak caanserh a hman hnuah Pope in a dang leitlun hruaitu pawl ih an tuah mi pawl ngai dingah nazi tampi sung tikcu caan a rak pek. Cuihnu ah upa pawl thawn tonawknak a rak nei.

- Kenya President, William Samoei Ruto.

-India Prime Minister, Narendra Modi.

-USA President, Joseph Biden.

- Brazil President, Luiz Inacio Lula da Silva.

- Turkiye President, Recep tayyip Erdogan pawl tonnak a rak nei.

Zarhte ni ih a cem ding mi G7 thurel tlangnak cu Afarica le sumdawnnak thansonakah a thupi bikih ruahsannak a si ih nisuahnak lam a laifannak ih ral buainak le mivai pawl hmun hnget ih an um theinak thu pawl tuah tlang dingah a si.

G7 ah a tui ih President tuanvo a la rero laitu Italy tel in

America, Canada, Japan, UK, France le Germany pawl tla an tel. Asuak zotu European Commission  President  Ursula von der Leyen khal a rak tel.

Holy See ti kawh mi Pope cu G7 sungtel a silo nan Italy ih Prime Minister Giorgia Meloni in Pope cu a rak sawm a si. Hi mi thuthang cu Vatican thuthang in kan don mi asi.