Cardinal Peter Turkson in Rome khuapi sungih siizung tumbikah lengin Rosary a zem. 3.4.2020

Cardinal Peter Turkson in Rome khuapi sungih siizung tumbikah lengin Rosary a zem.

3.4.2020

Cardial Peter Turkson cu April 3.tlawngkai ni 5 niah Italy ram, Rome khuapi sungih siizung tumbikah a lengih siizung hnatuan pawl thapeknak a neih hnuah Pope Francis ih thlasuah pek mi Rosary pawl khal zemnak khal a nei.

Siizunghnatuan pawl le thlarau lam tuanvo latu chaplains pawl hnenah Cardinal Peter Turkson cun “Pope ih duhdawtnak le lainatnak hi nan hnenah ka rak keng a si. Coronavirus nathrik raldo nakah nanmah lawng nan si lo ti rak thei uh” tin a rak sim. Cardinal Peter Turson hi a tu ah, Integral Human Development ti mi minung tlamtling teih thanso theinak ding thohsuahnak lamih ho tu bik a si.Tui tumah hi ti vekin Cardinal Peter Turkson in, siizung pi a va veh tikah, a kut hnuai hnatuan pi pahnih in an thlun ve ih Vatica aiawh ih va veh an si. Rosay pawl an zem lawng si lo in siizung tuanvo nei tu pawl hnenah, tui tumih coronavirus nathrik ruangih buainakah  Pawlpi khalin thlacamnak le bomnak dangdang thawn tan lak a si rero thu khal an sim.

Hi mi an lennak siizung pi hi Agostino Gemelli University Policlinic tin an ko ih Rome khuapi ih siizung tum bik lawng si lo in, Catholic University of the Sacred Heart ti mi phunsang tlawngah sivai lam zirhawknak ih hman mi siizungpi khal a si. Coronavirus nathrik ruangih buainak a suah rero laiah, hi mi siizung pi hi Rome khuapi sungih covit-19 nathric do nak dingih hman mi siizung dangdang thawn pehthlai awknak nei in a cang vai rero mi siizung pi pakhat khal asi.

April, 3.2020 tiangah covid-19 nathrik nei mi Rome khuapi kiang Lazio sehvelah minung 3000 an umih cuih mi naa pawl sungin 1400 hrawng cu Agostino Gemelli siizung piah tuamhlawm rero an si. Tu tiangah hi mi siizung pi ihsin covit-19 ruangih a thi zo tu mi minung 199 an si.   

Hi mi link ah zoh thei a si. 

https://bit.ly/2XbY90h