2020 Kum Budapest ih tuah ding mi ramtin kim thawn tuah mi Bawipa thi le sa puai ni an thawn April 23, 2020

2020 Kum Budapest ih tuah ding mi ramtin kim thawn tuah mi Bawipa thi le sa puai ni an thawn

April 23, 2020

Corova virus le harhdam nak lamih buainak ruangah 2021 September thlaah Budapest ih tuah ding mi a vei 52 nak ramtim kim Bawipa thi le sa puai pi cu an thawn thu April 23 tlawngkai nili ni ah Vatican thuthangin a phuang a si.

Niriat sung tuah ding mi a Bawipa thi le sa puai pi cu Pope Francis le Hankery Bishop pawl in Pope zungpi ih tuan vo nei pawl thawn an tawl rel mi a si.

September 13 in 20 tiang tuah ding mi cui Puai ah Missa sumnak, thlacamnak, Pathian thu zirnak, rel tlangnak le nunphung le thlarau lam thu pawl khal Hungary khua pi a si mi Budapest ah tuah ding ih an ti mi a si.

 Ram tin kimih tuah ding mi Bawipa thi le sa puai pi cu France ramah kum 1881 ah an tuah thokin leitlun ram tin kimah tuah dingah an tum mi a si. A neta biak an tuah nak hmun cu 2016 kumah Philipine ram Cebu ah tuah a si ih minung 12000 hrawng an tel thei ih Hugary ramah kum 1938 ah an rak tuah dah a si. Hi Bawipa thi le sa Puai cu kumli vei khat tuah dingih an rak tumtah mi asi.

Kumzabi a sang sangin Bawipa thi le sa puai tuah dingih thangphawk nak cu Bawipa thi le sa hi Pawlpi ih nunakah a laifan nak a si ruangah a si tiah Pope Francis in a sim a si.

https://bit.ly/2xKRcZZ