Inn ih um phahin Biaknak sungih fale pawl Rosary thlacam dingah Pope Francis in forhfial. April 25, 2020

Inn ih um phahin Biaknak sungih fale pawl Rosary thlacam dingah Pope Francis in forhfial. April 25, 2020

Pawl pi sungih fale pawl lam khalin Bawinu Maria duh le rinsan nak, upat nak langter nakah a thu pi bikin May thla hi inn sungah kan um ciar nan Rosary thlacam dingah April 25 ni St.Marku puai ni ih an suah mi ca ah Pope Francis in tha peknak a rak nei a si. Innsang ciar ih Rosary thlacam theunak cu a that thu, tui kum Covid ruangih innsungih relh kan si ruangah thlarau lamah tam deuh in thazaang kan lak thei nak dingah mai innsang ciarah thlacamnak, Rosary camnak nei cio dingah tha pek nak a nei a si. Mah pakhat in siseh, Innsang in siseh Rosary thlacamnak cu a mawi zet mi a si-ih a menmen in Rosary thla kan cam thei vekin internet sung khalah zoh tha nungzetzet Rosary thlacamnak kha, ti daan tam pi a um ruangah a dang deuh khal in thlacam a theih thu a sim ih Bawinu ih thinlungah a fapa Jesuh ih mithmai kha ruat phahih thlacamnak in thlarau lamah tam deuhih a fek mi innsang harsatnak pawl khal pah thei tu innsang a cang ter ding a si. Cui tlunah harsatnak a tong tu pawl hrangah  a hlei ce in thlacam sak ding ah Pope Francis in zaangfah dilnak a neih hnuah cui ca cu a cem tiah Vatican thuthang in kan thei a si.

https://bit.ly/2Y6wxu0