St. John Paul II ih a duh zet mi thlacamnak

                    St. John Paul II ih a duh zet mi thlacamnak

          St. John Paul II cu a mah rori khal Bawinu a duh zet tu a si. Bishop tuan ding ih thukhamnak lak laiih a hril mi ca cu Totus Tuus (a zaten nangmah hrang) a si. A mah ih Pope a tuan kum (27) kum sungah Rosary cam dingah khal tha a pe ringring. 2002 kumah Rosarium Virginis Mariae tiih kawh mi ca pakhat a ngan.Cui ca sungah Rosary cam cu gospel ca zaten ih a hrampi a si. Rosary in Pawlpi pawl rundam tu ih nu ihsin a tam zet mi thluasuah an dong. A nauhak laiah thlacam nak cu a nun nak ih a thu pi bik mi then khat a si. Thlacam cu a duh tuk. Himi thu cu (1978) kum Pope a cang hlan te karhnih duh ah a rak sim dah. Himi caah (2002-2003) cu Rosary kum tiin leilung pumpi ah a than. Pawlpi hnen khalah Rosary cam in nu Maria thawn Bawi Jesuh ih mit hmai zoh dingah a forhfial a si.

          Kum zabi 3 a thawh lamah harsat nak thenkhat hlawhtling ten pah thei dingah Rosary cam dingah a tul thu, ziangruangahtile thuanthu le biaknak lam ruahnak man a mal ter thei ih, san thar mino pawl zaten zirh thei nawn lo nak tikcucaan thawn ton thei ruangah a si. Inn sang thawn pehpar aw ih a thupi mi thu pawl cu tih a nung ter ih, cumi thu cu ruah nak le a tui a cang rero mi ah a rawi awk theh. Curuangah inn sang ih man a siat ter tu hi tha lo nak cu Rosary ih thiltitheinak in hmur nei zet in a bawm thei.

Rosary tharthawh nak

          Pope Benedict XVI khal Rosary camnak cu a tharthawh duh. Rosary cam nak ngai nak lawngin, mang caan lawngah cam ding asi lo. Thal caan ih thinghnah a cerh bangin Rosary camnak in nung sal ding a si. Jesuh Khrih le Bawinu Maria hnen ih an langter thei mi san a nei zet mi duhdawtnakih hminsin nak a si. Ruah nak pawl, um tlan daan a mal mi a tui san tiluan thuah Rosary lawngin Khristian nunnak ih a thupi mi a thleng thu, 2008,may 3 Rom khuapi ih Bawinu Bacilica biakinnpi tualrawn ah sim a si. Cutivekih a sim hlan kumthum duh ah Netalan ih Catholic mino pawl hnenih sim mi thu pakhat ah Rosary camnak in Bawinu Maria ih felfainak le a thuknak cu thla nan cam thei nak dingah a lo bawm thei ding tiin an kuat a si.

           2006 kum ih nithum ni ni khatah khawmzawh pawl thawn tonkhawmnak khalah Pope Benedict XVI in Rosary camnak cu tha a pe sal. Kutsih pekte nupa hnen khalah nan innsang ah thlacam uh tin forhfial a tul thu, cutiih thlacamnak cu nu Maria ih thlazar hnuaiah thlarau lam ih pawlkom nak asiih, thanso nak khal a si. A dam lo mi pawl thawn tonawk caan khalah kan nu Maria hnenah zumnak thawn kir sal uh. Nan tul mi pawl khal a hnenah zumnak thawn up uh tiin tha pek phah in a fial a si.