Pope in Covid-19 thawn pehpar ih leilungtlun mipi hmaiih a sim mi cu vunnel in an tuah May 8, 2020

Pope in Covid-19 thawn pehpar ih leilungtlun mipi hmaiih a sim mi cu vunnel in an tuah May 8, 2020

          Vietnam saklam Nam Dinh ih mino pathum in a mawi zet mi vunnel zuk cu Nghia Hung khaiyan ih tipi kapah an tuah. Cui vunnel zuk cu Pope in a liamzo mi March thla (27) sunah Covid-19 thawn pehpar mi a thusim mi kha zukin an tuah a si. Pope in himi thuhla cu mi zohman umlo nak St. Peter biakinn tualrawn ah a sim. A thu sim nak hmun kiangih ret mi thianglamta cu kum zabi (16) ih thinglamta a si. Himi thinglamta a si. Himi thinglamta cu puai hrangah St. Marcello biakinn in lak mi a si.

          Himi thinglamta an ret nak biakinn pi cu meikang ruangah vutzam ah cang theh hman sehla thinglamta cu danglamzet in a rak kang lo. Hitivekin danglamzet in meisakang in a luat ruangah (1522) ah Rome khuapi ah palik nat an tuar. Cui nat hlo thei nak ding ruahsannak thawn, cui thinglamta cu St. Marcello biakinn ihsin St. Peter biakinn lamah an feh pi dah.

          March thla (27) ni ih hmuh mi Vietnam mino pathum in a kau lam a sau lam (pi 4, pi 5) a simi vunnel zuk an tuah. Cui zuk cu Pope in thinglamta a zohih, daiten thla a cam lai zuk a si. Cui mino pathum cu Lai Trinh, Nguyen Son le Tran Nhat an siih, Lai Trinh cu thingzuk suai thiam saya a si. Anmah pawl cu vunnel zuk tuah dingah nazi pathum an nei. Cutiin tuah dingah ziang vek a dang lam mi thilri khal an la lo. Himi ruah nak thawn pehpar in thuthang pakhat ih an sim nak ah an pathum cu zuk tuah lam an duh tuk ruangah himi zuk an tuah ih thla a cam rero mi Pope tiin hmin an pek thu, an mah pawl cu Catholic zum tu pawl an siih, an zum nak khal an lang ter duh thu, Cutivekin Pope ih sim vekin himi Covid-19 pulhnat do nak ah kan zaten kan tan rual a tul thu, Pope ih zuk an telh nak cu leilungpi in Covid-19  ih harsat nak a zamrang thei bik ih a hloh nak ding thu, thing thawn zuk suai nak cu anmahpawl ih nitin an hnatuan a si thu, vunnel thawn tuah nak cu kut rori in tuah dah loin an ruah nak lawng a si.

          Mino pathum lak ih pakhat a simi Nguyen Son in March thla (27) zan ah Pope ih online ih an thlah mi biakkhawm nak cu duh nak thinlung thawn thlacam nak le Pope ih thluasuah a rak don thu, Lai Trinh ih vunnel zuk tuah nak cu a veikhat nak lawng a si lo. A hmaisa deuh ih meter (5) a sang mi Pope ih vunnel zuk cu May ni (1) niah an tuah. Himi zuk cu minung thawng tampi in tipi kapah feh in an va zoh. Vietnam ramah April (30) cu saklam thlanglam kom in san thuanthu ni a siih, ramsung zaten cawlh ni a si. Cutivekin May (1) ni khal leitlun ih hnatuan pawl ni a si.

          Pope in himi thinglamta thlir ih thla a cam caan khal Italy ramih Covid-19 ruangih a cangmi Tuluk ramih nat nak ruangih a thitu mipum hnakih an tam caan asi. Pope cu March thla (27) niah leilungpi ih ton rero mi pulhnat hrang ah thla a cam. Cumi thlacam nak ah Bawipa thi le sa khal thlir in biaknak khal a tuah. Cui hnuah pulhnat caan ih a pek mi thluasuah cu leilungpumpi a pek ih, himi thluasuah ih a tel tu pawl cu sual ngaithiam nak thluasuah khal a pek.

https://bit.ly/2WmNm2u