Pope Francis in Khristian nunnak ih thlacam thu simnak cu Pathian thawn nel awk nak. May 13, 2020

          Pope Francis in Khristian nunnak ih thlacam thu simnak cu Pathian thawn nel awk nak. May 13, 2020

          Khristian nunnak ih thlacam nak cu Pathian thawn nel awk nak Pathian zum fek nak, a hngek khoh mi thla cam nak a si. Pope Francis in thlacam nak cu minung zate thawn a peh zom aw. Thlacam nak in Pathian thawn in nel aw ter ih, thinlung zaten Pathian hnen zum fek thei nak cutivek thlacam nak ih man, a muril thu cu 2020, May 13 ni ah a sim. Leitlun ih pulhnat a simi corona virus leitlun ihsin a hloh thei nak ding hrangah Pathian hnenah May thla 14 ni nili sun ah hmunkhat in thlacam tlang ding ah a sawm.

          Thlacam nak cu minung zaten thawn a pehzom ruangah ziangvek biak nak khal siseh Khristian zumtu khal siseh thlacam a theih tiin Pope in a sim. Thlacam nak ihsin kanmah cu Pathian thawn nel aw zet in thuk zet in kan kom aw thei. Khristian biaknak lam ih cangan tu cangan saya pawl ih an sim theu mi cu "Thlacam nak cu kan si nak a sung muril bik ihsin a suak mi a si. Cumi a muril bik cu thinlung tiin an ti"

          Kan si nak cu taksa, thinlung, thlarau a pathum ih tuah mi asi. Curuangah thla cam tikah taksa, thinlung, thlarau pathum kom in thlacam lawngah thlacam nak ih a thuk nak a man a muril hmuh fiang a theih a si. Kan taksa pakhat lawng khal in siseh, thinlung thlarau pakhat thawn khal in siseh, ruah nak pakhat thawn khal siseh thla cam nak ih man cu theih a theih lo. Curuangah Pope in " minung cu thinlung taksa thlarau in thlacam ding" tiin a sim.

          Pathian cu theih thiam lo dingmi ah a thup aw lo. Thlacam nak cu ruahsan nak a si. Cutivek ih ruahsan nak cu kanmah pawl in a dang mi pakhat hnenih ruahsan nak hnak in a nasa sawn. Nangmah in Pathian pakhat lawng na hawl nak cu thlacamnak in a si.

          Khristian nunnak ih thlacam nak cu a thuk zet mi hmun ih a um mi Pathian hawl nak in a thok. Khristian kawhhran cu zum nak pakhat a siih Pa, fapa, thiangthlarau Bawi pathum Pathian pakhat ih thawm huham pelh lo ih biak a si. A nel aw zet mi peh tlai awk nak Pa Pathian cu kan hnen ih a um ring ring nak cu fapa asimi Jesuh khrih hnen in a lang ter. Curuangah Khristian pawlih thlacam nak cu Pathian le kan mah karlak ih tihphan nak umlo, mangbang beidong nak um loih pehtlai awk nak a keng tu lilawn pakhat a si.

          Khristian kawhhran cu Pathian thawn pehzom nak ah miphun thleidang nak pawl a hnong theh zo a si. Midang uk duh nak thinlung pawl, aana duh tuk nak thawn pehpar in a hong cang mi thinlung hamtam nak pawl, midang pawl hrang sal tuan duh nak thinlung pawl kha u le nau si nak thinlung, Pathian ih a hlo thei lo mi a rinum nak, hmunkhat ih um nak in a aiawh theh zo a si. Pathian cu kan rual pi tha bik, in tan tu, kan mo pa a si. Kan mah pawl cu thlacam nak in Pathian thawn a hngek zet mi pehzom awk nak, zum nak kan ngah thei. Pathian hnen ih zum fek nak Bawi Jesuh Khrih kan zum nak in Pathian hnen pan thei dingah "Vancung um kan pa" thlacam nak in zirh. Kanmah pawl cu kan tul mi zaten pathian hnenah kan dil thei.

          Kan ruah nak, kan tuar mi pawl rinsan tlak zet in kan sim thei. Kan sinak pawl, kan ruah nak kan hmuh daan pawl ziang tluk in a niam a si hman ah Pathian cu kan parah rintlak a si ringring thu kan thei. Cui hleiah Pathian cun zangfah nak, duhdawt nak thawn in pom. Pathian cu kan hrangah kumkhua minute tin second tin in khui tawk hmun khal ah rintlak a si mi rualpi tha a si. Minung pawl cu Pathian ih a tum zet mi duhdawt nak lehrulh loin thei lo vek ih kan um hman ah Pathian in kan par ih a neih mi duhdawt nak cu a cawl dah lo ding. Cui duhdawt nak cu Calvary tlang ah thleng hmansehla a duhdawt nak cu a cawl lo ding. Kanmah pawl in duh tho tho ding a si.

          A siat thei lo mi rintlak sinak ih thuthuk nak cu Pope Francis in Pathian ih a siat thei lo mi rintlak a sinak ih thuthuk nak cu co ve dingah minung pawl sawm phah in thuthangtha sim nak cu a cawl a si. Bawi pathum Pathian pakhat ih a famkim mi lungawi nak hmun ram ah tel tlang in Pathian ih a tum mi zangfah nak kut thawn a pom nak cu kan ngah thei nak dingah thlacam nak ah nuam tlang uh si. Minung tinkim in cutivek in an ruah thei dingah sinak thlei dang nak umloin sawm kan si tiin a sim a si.

         https://bit.ly/2WGXMdC