Pope Francis in UK le Ireland ram pawl ah thluasuah nak pek nak thawn thla a cam sak ti mi thuthang. May 29, 2020

Pope Francis in UK le Ireland ram pawl ah thluasuah nak pek nak thawn thla a cam sak ti mi thuthang. May 29, 2020

          Pope Francis in UK le Ireland ram pawl ih um mi Catholic kawhhran pi pawl hnenah kumtinte an tuah theu mi “Nunnak ih Ni” ti mi an tuah theu. Minung nunnak le minung ih si nak pawl kilkhawi in khaisang dingah a forhfial a si. Tukum ih motto cu, “Nunnak hrilnak,” ti mi a si. Hi cang vaih nak cu UK le England, Wales (CBCEW),  Scotland (BCOS)  le Ireland ram pawl ih Catholic Bishop pawlkom pawl tang tlang ih tuah mi a si.

          Kan nu pawlpi in minung ih nunnak cu a semsuah ihsin thok in a thih tiang thangso dingah humhim a tul tiah a zirh. Hi mi programme hrangah Pope Francis in lungawi nak ca a kuat ih mi pakhat cair ih man le upat tlak an si nak hrangih a tuantu pawl hrangah thla a cam sak thu, thlacam ding, a tu ton rero mi pulh nat in nauhak te pawl ih nunnak kilhim sak ding a tul thu theih ter nak a nei zo tin zum nak an neih thu cu tu kum ih St. John Paul a pahnih nak ih ca a suah mi “Evangelium  Vitae” ih vei 25 kim nak ni khal a si. Hi ca ah minung nunnak cu ziang vek in siatsuah a theih ti mi thu le minung ih man cu a thupibik ah ret in a ngan.

         Cardinal khal in “COVID-19 pulh nat raltha zet ih mi zapi hrangih a tuan tu pawl, harhdam nak ih a tuantu pawl, nat nak a tuar tu pawl ih sungkua pawl ih harsat nak, ral buai nak, hnatuan nei lo ruangih minung dinhmun tum ter mi pulh nat hrang thla cam sak dingin a tu ih pulh nat cu minung ih ziaza le nunnak kha man a nei mi, kilhim mi le khaisang mi mai nunphung thangso nak dingah cawl dawm dingah a tul, ziangah tile minung ih nunnak cu Pathian Fate pawl hrangih man a neih thu Pope Francis ih ca kuat mi sungta kha a sim sal mi a si.

            Bishop Sherrington in Pope Francis ih ca kuat cu an hrangah hngahhlap nak a pek ih a thuk zet mi milai nunnak ih a sang sang ih a thleng aw rero mi humhim ringring dingah, mi tampi in hi mi ih an tel thei nak dingah a tul thu, hi ni hrangih a kuat mi pawl humhim nak ding a si thu, cui ram pali ih Catholic Bishop pawl in zuam zet ih an tuan nak vekin mi tampi khal in an thei thiam tlang ih tuan tlang ding, bang zet cing ih a tuan rero tu pawl hrang khal ah thlacam sak ding, a suak hrih lo mi naute le nau a pawi mi Nupi pawl humhim dingah a tul thu, nau khamnak ruangih a cang mi thil pawl cu a hnget khoh zet mi upadi pawl thawn kham ding a tul thu le cui ram pali ih Bishop pawl in Pope Francis ih ca kuat cu thlacam nak le thluasuah pawl pek nak hrangah an lungawi thu an sim a si.

https://bit.ly/3dnXmyC