Thlacam nak cu nun nak thar thohsuah ter tu a si (May 27, 2020)

"Thlacam nak cu nun nak thar a thohsuah ter tu a si"

May 27, 2020

          Pope cu nithumni ah mipi pawl a ton nak hmunah zumtu pawl hnenah "nitin kan nun nakah setan ih hnaihnok nak kan tong nan minung sinak thawn zoh ahcun Pathian ih ruah nak cu that nak hrang lawngah a si" tiin a sim. Pope cu Seemtirnak sung ih setan a cannak, a karh zai nak le san tinkim ih a um mi sual thu an lang ter mi thuanthu pahnih cu a sim bet.

          A pakhat nakah Seemtirnak a tumpi pakhat nak sungih Adam le Evi thu a sim. Pathian ih tumtah nak par sia le tha theih nak ihsin "an thinlung sungah thlarau sia ih tuk forh  nak an tong. Asinan an ton mi cu a lam dang zawng in a thleng" tiin Pope in a sim. A pahnih nakah Seemtirnak atumpi pali ih, Kain le Abel thu a sim. Kain cu a nau hnenah hnahsiknak thinlung a nei ih a zuampi tiin a hmu. Thlarau sia cu a thinlung sungah a lut nan Kain cu thinlung tha lo a sup thei lo ruangah, mithat tu dinhmun ah a thleng ter. Kain ih tu le fa pawl cu fim nak le kut thiam nak ih an thanso vekin siat ral nak khal a thangso ter" tiin Pope in a sim. Tuini tiang leipar ih setan a um nak cu kan hmu thei. Pope in Bible ih ngan mi a pathum nak ih sim bet micu, a langsar lomi a lar lomi pawl, midang hnak ih tangdor pawl, Pathian a duhdawt tu pawl cu hngakhlap nak an nei thu, cui hngakhlap nak ah Abel, Seth, Enoch le Noah anmah pawl cu Pathian hnenah upat nak thawn, thinlung tangdor nak thawn thlacam tu pawl ih an nundan thu a sim.

#Remdaih nak a cang ter tu thlacam nak ih man#

          Pope cu remdaih nak a tuah tu tiin Bible a pakhat nak catlang ah thlacam tu pawl thu cu a lang ter. Thinlung taktak thawn thlacam tikah thinlung muril ih a um mi a tha lo mi daan pawl khal a hlo ter. A hman mi thlacam nak cu Pathian cu kanmah minung pawl ih thinlung zoh dingah kan mah hnen kirsal dingah Pathian thawn hmaiton ih zoh awk rero a si. Thlacam nak timi cu minung pawl ih huat awk nak pawl cu a ro mi nelrawn ramcar lawng a suah ter caan ah nun nak thar a simi ciincia mi pangpar thar cin sal nak a si. Thlacam nak cu nun nak ih cii le Pathian thawn khat le khat biak awk nak a si.

          Pope cu a theih dah mi mipakhat ih thuanthu pakhat a sim. Cui minung cu acozah uktu a siih, a hlanah a mah le mah Pathian thei lo pakhat ka si tiin a au tu mipakhat a rak si. Amah in a thinlung sungah biaknak timi a thei lo nan a nauhak lai a pi ih thlacam aw a ngai theu thu a sim. A nun nak ih har nak a ton caan ah cui thil cu a thinlung sung ah a tang ih a pi ih thlacam vek in a cam. Cui caan ah amah cu Jesuh Khrist a tong suak. Thlacam nak cu nun nak ih thirhri kual vek a sithu a rak hmu suak.

          Thuanthu thawn pehparin Pope in thlacam nak cu nunnak ih thlaici asi ruangah nauhak pawl thlacam thiam dingih zirh nak cu a thu pit  thu a sim. Pope cu thinglamta hminsin nak a tuah thiam lo tu nauhak pawl a hmuh tikah a thin a nat thu nu le pa pawl fa le pawl thlacam thiam dingah zirh a tul thu khal a forhfial bet. Nauhak pawl cu an hngilh ol ruangah a dang lam an hril theu ticu a hman nan, thlacam nak cu an thinlung sungah hngek zet in a cam. Thlacam nak cu Pathian thawn khat le khat thu rel tlang nak, nunnak ih thlaici pakhat a si. Thlacam nak cu lungto vekih a hak mi thinlung pawl cu a nem mi thinlung vek in a thleng ter. Curuangah san thuanthu ah thlacam nak ih tha a suah tu, mifelfai pawl cu ngai sual (asilole) hnon an tuar theu. Anmah pawl cu leilungpi hrangah thla an cam.

          Pathian ih thawm huham cu dam ter nak le thanso nak pawl a keng. Cutivekih Pathian thu ih tha a suah tu pawl ih thlacam aw ruangah leilung pi cu a nung ih a thangso rero. Pathian thluasuah nak pawl ruangah lungawi thu a sim rero a si.

           A cem nak

          Cutivekih Pathian thu ih a zuam tu pawl ruangah Pathian ih san thuanthu cu minung pawl hnen an mah ih lungto vekih a hak mi thinlung pawl cu a nem mi thinlung vekin a thleng ter thei tu Pathian ih thu kha an sim sin thei nak a si" tiah nunsim nak tong kam thawn a thu sim a cawl a si.  

https://bit.ly/2ZULal4