England Siangpahrang Bawinu Elizabeth kum (94) suahni sunglawi an tuah. June 13, 2020

England Siangpahrang Bawinu Elizabeth kum (94) suahni sunglawi an tuah.

June 13, 2020

          England Siangpahrang Bawinu ih kum (94) suahni sunloih nak in amah le Pope a dotdot pawl thawn an tonawk nak thuhla fel zet ih ngan mi ni pawl kan zoh sal a si le England Siangpahrang pawl lakah kum saubik asimi Elizabeth Siangpahrang Bawinu cu Pope pali thawn an tong aw. Siangpahrang bawinu cu 1926, April 21 niah a suak nan a suahni cu June thla a karhnih nak ah an tuah. Tui kum ahcun cui June thla a karhnih nak zarhte sun cu ni (13) ni a siih, amah ih (94) a kim kum khal a si-ih, Siangpahrang a tuan (67) a kim kum khal a si. A pa Joach SiangpahrangVI nak a thih hnu (1953) kum ah Siangpahrang a run cang.          Siangpahrang a can laiah kum (25) lawng a si lai. Siangpahrang Bawinu cu Vatican ah (1951) kumah siangpahrang fanu sinak in a veikhat nak a thleng. Cumi laiah Pope Pius XII in Pope a tuan laifang a si. British Siangpahrang Bawinu sinakin a veikhat nak Elizabeth Siangpahrang Bawinu cu Vatican ah a veikhat nak a thlen laiah British siangpahrang ih fanu sinakin a thleng ih, 1961, May thla 5 niah British Siangpahrang Bawinu sinakin a veihnih nak ah a pasal Philip thawn an thleng. Culaiah Pope John XXII in Pope a tuanlai a si ih, anmah pawl cu lungawi sopar ten a rak hmuak.

          Elizabeth siangpahrang bawinu Pope John Paul II hnen a tlawng

          Siangpahrang Bawinu cu a vei thum nak a tlawng nak cu 1980 kum, Pope John Paul II ih Pawlpi a kaihruai caan a si. Tuitum a tlawn nak cu Vatican ih mikhual sinakin a veikhat nak a tlawng nak a si. Siangpahrang Bawinu thawn England Biak nakih kawhhran hruaitu pawl khal an tel. Pope ih 1982 kum British in a tlawn nak khal nasazet in an hmuak. Asinan Pope ih khualtlawn nak cu Pathian rongbawl hnatuan nak lawng a si.

          Pope John Paul II cu a timtuah cia vek in 1982 kum ah British ah rong bawl hnatuan nak in a feh. Himi rongbawl hnatuan feh nak cu thuan thu ih a tang dingmi khualtlawn nak a si. Ziangruangahtile Vatican le British ih pehpar awk nak cu Argentina cu British ralkap pawl in an do ih Falkland Islands an lak nak thawn pehparin pehtlai awk nak a tha. Cuihnu kum (18) a rei hnu kum zabi thar ah Siangpahrang Bawinu cu Pope John Paul II hnen a veithum nak a tlawng ih, thu sim nak pawl a rak nei.

          Pope Benedict XVI thawn khal an tong aw

          Siangpahrang bawinu cu 2010, September thla khal ah culai Pawlpi a kaihruaitu Pope Benedict XVI thawn khal mirang mi asimi Cadinal John Henry Newman ih Mithianghlim can nak ding hrangah an tong aw nak a si. Pope in Biangpahrang Bawinu cu Scotaland, Edinburgh ah a tong ih, an nel awknak ruangah lungawi thu a sim.

          Pope Francis thawn khal an tong aw

          Netabikah Siangpahrang Bawinu cu 2014 kum Italy ram a thlen laiah Italy ram uk tu Napolitano thawn an ton awk theh ah, Vatican ah a thleng ih, Pope Francis cibai a buk. Tui tum Siangpahrang Bawinu ih Vatican a tlawn nak cu a vei (7) nak a tlawn nak asiih, Pope a panga (5) nak thawn an ton awk nak a si. A khualtlawn nak khal British ram ihsin Argentina Falkland Islands a lak nak cu kum (32) a kimkum thawn khal a tong aw. Cui tikulh cu Argentina ram mi pawl in Las Malvinas ti'n an ko.

          Tuikum Elizabeth Siangpahrang Bawinu le leilung pumpi ah a suahni sunglawi an hmang nan corona virus pulhnat thawn a ton awk ruangah Siangpahrang Bawinu damten, kum zaluan dam dingah thla cam sak phahin, Siangpahrang Bawinu ih ton mi Pope Pawl zaten khal vun mang sal ding ah sim mi a si.

          A sunglawi mi suahni sunglawi sihramseh tiin thla cam sak phah in, kan run tar lang mi a si. Hi thuthang cu Vatican news in kan ngah mi a si.

https://bit.ly/2MYguaW