Covid (19) pulhnat pi cu ziaza tha lo rem dingah ti daan tharah lam a hmuh tin Vatican in sim. June15, 2020

Covid (19) pulhnat pi cu ziaza tha lo rem dingah ti daan thar ah lam a hmuh tin Vatican in sim.              June15, 2020

            Humhimnak le Europe sungih hna a tuan tlang tu pawl Kom (OSCE) hrangah Vatican ih aiawh tu a si mi Msgr. Janusz Urbanczyk in kan dung tlawngkai nikhat ih an tuah mi a vei (28) nak sumdawnnak le kiangkap kil himnak thawn pehpar aw in a vei hnihnak an timtuahnak thu rel nak puai ih a sim mi a si. An thu rel mi ih thu luu cu humhimnak, sumdawnnak le hmunhnget te ih thanso nak cu ziaza sia ( Ei ruk nak) tuah nak pawl do in rem that sakin ti daan thar hmangin tuah dingah an sim a si. Msgr ih a sim mi cu a tha mi a cozah din suak ding, eiruk nak cu hi pawl kom (OSCE) a thu pi bikih a tuan mi tuah daan pawl hi nasa takin a hrinhro thu, hi ei ruknak cu din hmun hnget lo a suah ter ih humhimnak, sumdawnnak le minungih hmuh daan pawl khal a siat suah ter a si. Ei ruknak cu nun caan ziaza lam khal ah siseh, sumdawnnak lam khalah siseh hlawknak tam pi a suah ter tin an ruat. A ngaingai ah cun a zaten a siat suah sawn a si. Rin um nak khalah tha a mal ter. A Lang thei mi khal a khuh ter thei a si. Rintlak mi, mithmuh theih ih tuah mi pawl nunphung hnatuan lam tiangin rin hlel nak a thlen ter a si.

Pope ih thu sim mi thawn pehparaw in "ei ruknak" cu mi pakhat ih si nak a tlak ter a si. A tha mi thil pawl, a mawi mi ti daan pawl khal a khuh ter thei a si. Nunphung pawl kom din hmun phunphun in le thlei dan nak ih hram toh mi eiruk nak cancer nat cu do tlang dingah a tul a si. Ram pi hna a tuan tu pawl din hmun khal in khat lam le khat lam zoh tlang theinak le fiangfai te ih um nak neih a tul. Mi hrang thatnak tuah cu a hram a karh ter ih cui thatnak co tlang thei dingah humhim a tul a si. A thu pi bikin a harsa  mi ram pawl kha ruah sak hlei ce ding a si.

Ei ruknak a um a si le ram pi din hmun khal in cek tengteng a tul thu, a dik lo mi hnatuan nak pawl donak tla tuah a tul . A tu vekin rin lo piah harhdamnak lamah harsat nak thawn kan tong aw rero. Ziangziang a si khal le a cozah ih a hmaisa bik tuah ding mi ah ram mi pawl humhimnak a si. Covid-19 pulhnat pi ih tuai tuar rero a si ko nan in a leh lam ah cun ziaza tha lo pawl rem sal dingah ti daan thar khal ngah ter thei a si. Cui ti daan cu thleidannak, ramkhel ah hlawknak hawlnak, mithmai nei le nei lo thlei dang lo in mi tam pi thathnemnak thawn kilkip ih a thang so theinak ding ruahsan in tuah ding a si tiah a sim a si. Hi mi thuthang Vatican thuthangih kan ngah mi a si. Thuthang a rak ngai tu zate parah Pathain thlasuahnak um hram seh.

https://bit.ly/2Ck43Ef