Covid-19 nat suan a tuar tu Bangladesh Archbishop pakhat June 16, 2020

Covid-19 nat suan a tuar tu Bangladesh Archbishop pakhat

June 16, 2020

          Bangladesh ram ih Catholic kawhhran pi pawl cu Covid-19 pulh nat besia zet in a tuar rero tu Chittagong Archbishop Moses Costa zamrang ten a dam thei nak dingah a hlei cee in thla an rak cam sak. Bishop cu June-13 ni in Dhaka siizung ah an ret. Bishop cu Covid-19 a hmaisabik suan a tuar tu Catholic pawlpi ih hotu a si.

          Zarhte ni ah helicopter thawn siizung an thlen thu cu Puithiam pawl le Sr pawl an theih ter zo ih khawhhranpi pawlkhal Bawi Jesuih Thi le Sa puai, Zarhpi ni ih Missa raithawinak ah line in theih ter nak an nei ih thlacam sak dingah zaangfah an rak dil.

          Cui thuthang cu ram sung, ram leng ih um Bangladesh Catholic pawl hnenah a karh ih Bishop hrang ih thla an cam sak thu le Bangladesh Catholic mino pawlkom khal in thla an cam sak. Bishop cu kum 69 a si ih Bangladesh Catholic Bishop  pawlkom ih Gerneral Sacretary khal a si. A mah cu kum 1996 ah Dinakpur Bishop si nak in Pope John Paul a pahnih nak in a rak nemhnget ih kum 2011 ah Pope Benedict hlei ruk nak in Chittagong ah a tuanvo a lak ter.

          Kum 2017 ah Pope Francis in Chittagong Diocese in Archbishop ah an than. Bangladesh ram ah kan dung tlawngkai nihnih ni ih Covid-19 suan mi 1262 tiang a rak thang. Nat suan a tuar tu 94,000 an um. Cu mi sung in Christian minung 30 hrawng nat suan an tuar ih minung panga cu mual an rak liam. Chittagong tiih mi theih tam mi cu a ngai ngai te ti le cu Chattagram a si. Hi khuapi cu Bangladesh ah a pahnih nak a tum bik mi hmunpi a si ih sumdawn nak tuah nak ding ih a kaih zet mikhuapi khal a si. Covid-19 nat nak cu kan dung zarh in suan awk nak a thang.

          Kotwali cu nat nak a karh zai nak a sang bik nak hmun tiih ruah mi a si. Chittagong Diocese cu Catholic Diocese pariat lak in Covid-19 ruangah Biakinn pawl le mibur pi um nak cu May-26 in an khar. A dang pasarih cu May-31 ihsin thok in Biakinn pawl ah a hlan vek in an khawm zo a si. Hi mi thuthang cu June-16, 2020 ih CNA thuthang ih kan ngah mi a si.

https://bit.ly/2N8Q6eu