Pope Francis in Bawinu Maria ih Litany thlacam nak sungah zangfah dilnak pathum a bet. June 20, 2020

Pope Francis in Bawinu Maria ih Litany thlacam nak sungah zangfah dilnak pathum a bet. June 20, 2020

          Pope in Loreto Bawinu ih zaangfah dil nak (Litany) ah pathum bet sal dingah a nemhngek. Hitivekih a nemhngek nak ca cu June thla 20 ah Catholic Bishop pawl hnen khalah siseh, kan nu Pawlpi ih biak khawm nak lamih tuanvo neitu Cardinal Robert Sarah hnen khalah a kuat. Ca sungih a um mi Loreto Bawinu ih zangfah dil nak cu 'Mater misericordiae, Mater spei, Solacium migrantium pawl cu Loreto Bawinu ih Litany ah a bet thu a lang ter.

          Bawinu ih hminthan nak cu Khristian pawl in upatnak thawn rinsan zetih kan kawhnak thlacamnak cu kum zabi tampi a rei zo. Hitivekih tuah nak cu Khristu ih siar cawk lo mi thluasuah in co ter nakin, a fiang zet mi lamzin a si thu, a tui thei thiam har zet ih tuar mi a tui thil kan  ton mi par khalah kan Nu Maria hnen ben dingah a tul tuk. Ziangruangahtile mizangfah thiam tu, rinsan tlak mi tiin Pathian ih miphun pawl in kan zum. Himi thlacamnak ih pathum bet nak san cu Kawhhran mipi pawl ih aw ngai in silhkhah sak nak a si thu, Loreto Litany cu kum zabi (16) ihsin rak hman thok a si. Latany sungah kan nu Maria ih sunglawi nak kan ko ringring vekin, asilole tuah ringring vek asilo mi upat nak langter nak hmin ko in Bawinu ih thlacam sak nak dil nak a si. Litany cu Latin, asilole mah ih hmun le ram tong ih let in khal in cam theih a si.

          Bet sal mi Bawinu hnen zangfah dil nak pathum cu Latin tong ih sim asiih, Mater misericordiae cu "Zangfah nak Bawinu" tiin duhsan a nei. Himi zangfah dil nak cu "Pathian ih zangfah nak nei tu nu" timi thehah cam bet ding a si. Mater spei cu "Hngak hlap nak Bawinu" tiin san a nei ih, "Thinlung thianghlim bik nu" hnuah cam ding a si. Solacium migrantium cu "Harsa pawl hnem tu Nu" tiin san a nei ih, "Khuaruah har in umtu tla thinnuam ter tu Nu" thlacam nak theh ah cam ding asi. Cadinal in himi thu cu leipar ih ram tinkim ih Catholic Bishop pawlkom hnen khal ah ca in a kuat.

https://bit.ly/2YVwDDr