Kutsih nak cu Mipa le nunau karlak ih innsang din nak ti lawng in Russian in duhsan neih a nei ter tum. June 10, 2020

Kutsih nak cu Mipa le nunau karlak ih innsang din nak ti lawng in Russian in duhsan neih a nei ter tum.

June 10, 2020

          Russian ram ih timtuah ter duh mi pawlkom daan hram pi pawl tampi lakah mipa le nunau innsang din nak khal an dil. Himi dil nak ih timtuah nak cu a ra lai ding mi kar sungah siar ding a si.

          Ram mi pawl ih duh mi cu a ra lai ding mi April (22) sun ah tuah ding asiih, cutivekin tuah lo dingmi pawlkom upadi a tuah tu bawi upa pawl hnen hmaisa ah hmuh lawk ding a si. Mipa le mipa, nunau le nunau kut sih nak cu thuthen nak zung ah an tuah asi khal le a hman lo thu,  a liam zo mi kar hnih hrawng ah tamadah (President) Putin in a mai thu a neih sungcu mipa le mipa, nunau le nunau kutsih nak a on lo ding thu, nu le pa numbet 1 nak, numbet 2 nak tiphun khalin a mah tamadah (President) a tuan sung a pom lo ding thu, nauhak cu nu le pa kim in a nei ding a si tiah a sim.

          Pawlkom daan  hrampi Upadi thleng nak cu tamadah (President) Putin hrangah  thuneihnak (aana) a hmun ringring thei nak dingah caan tha pakhat asi thu, a kumlinak tamadah tikcu ni-khiah cu (2024) ah a cem ding thu a zingzoi tu pawl in an sim. A dang thleng awk nak pawl ah Russian ram ih "Pathian par ih zum nak le thuanthu thawn pehpar mi thu hman" kilhim nak cu ram mipi pawl hrangah anmah pawl ih an pupa pawl ram kilhim dingah a tha bik lamzin a si.

          Soviet Russia hrangah thuanthu ih thlengawk nak cu a veihnih nak leitlun ralpi a si. Cui raldo nakah Soviet pawlih nunnak tan 27 cu Nazi Germany pawl ruangah an sung. Russia ramih ziang vek ramri khal thleng ih nemhngek nak khal an on lo ding. Cutilawng in (2014) kumih an lak sal mi Crimea ram, Ukrainian ram pawl khal siseh, Kuril tikulh khal siseh an neih mi vek in an uang aw thei sinsin ding a si. Kuril tikulh thenkhat cu Japan khal in an ta ve a si. Hi thuthang hi CNA news in kan ngah mi a si.

https://bit.ly/3fJlM6m