British le America ram palai pawl upat tlak nunau pawl upat pek nakin thurelkhawm nak an tuah ding. June 22, 2020

British le America ram palai pawl upat tlak nunau pawl upat pek nakin thurelkhawm nak an tuah ding. June 22, 2020

          British le America ram ih Vatican zung pawl in kawhhran pi ih Pathian hnatuan nak asimi harsa beidong ih, um nak nei lo tu pawl hnen tha a pe tu upat tlak nunau pawl upat pek nak in thureltlang nak cu June (23) zing lam nazi (11) ah an tuah. Cui thureltlang nak cu “hmaisabik ih a ding tu upattlak nunau pawl” tiin a siih, nazi pakhat rei in online in an thlah a si. Cui thurelkhawm nak ih a thoh nak ah British le America ih Vatican ih palai pawl cu Vatican thuthang zung ih thusuh mi pawl ca in an kuat ih, an suh mipawl an sang. Anmah pahnih cu Sister pawl ih tuah tuan nak pawl an lawm. America palai in “ sinak a lang lo mi Catholic Kawhhran pi ih miral tha pawl” tiin a upat pek nak in a sim ih, an pek awk nak cu hminsin sak asilo vekin minung pawl in an thei lo tiin a sunloih.

          British palai khal in America palai vekin “minung lak ih mi harsa beidong pawl a kilkhawi tu mipa, nunau pawl ih pek awk nak cu man a neih ter thu, anmah pawl leilungpi ih minung pakhat ih a hleice tul mi a nei lo tu pawl hrangah hna an tuan. Asinan anmah pawl cu ziang an tuan, ziang tin an tuan timi cu an lang ter lo. Veikhat veihnih ah anmah ih nunnak rori hman pek tiang in a si. America palai in thukham pathum a la tu Sister pawl cu “fim nak a petu, a zuam tu pawl, harhdam nak a kilkhawi tu, nunphung lam thinlung famkim zet in hmai lam ah miphun hril lo, kawhhran hril lo, pawlkom hril loin a bawm tu pawl an si” tiin hminsin a si.

          Himi lang ter mi tuah suak nak cu covid-19 pulhnat ruangah minung pawl cu harsat nak an tong. Hitivek dinhmun ah Sister pawl in hnatuan nei lo pawl, farah harsat nak, in ei kop lo nak cutivek harsat nak pawl cu bang man loin an tuan. Himi thurelkhawm nak cu a thupi bik in an rel ding. Nunau upattlak pawl cu kanmah pawl hrangah tampi man nei zet in in tuah sak. Veikhat veihnih ah tahthim thei lomi nunphung, sumdawn nak, ram khel lam khal a um. America palai in “Sister pawl ih an lung nem nak cu cem ni a nei lo. A tul mi an hmu cih ih, an leh rul.

          Nihnih sun ih tuah  mi thurelkhawm nak ih hoha tu dingah Sister pathum an tel. Himi upattlak mi pathum cu fimthiam nak, minung caan tha le minung thilri vekih kuat nak a tel ih a tuan tu hmuh ton mi tampi a nei tu an si. Britist palai in cui upattlak nunau pathum in kan nu Pawlpi ih thinlung ruah nak vekin zoh thim tlak mi pek awk nak an lang ter. Cui upattlak mi pathum lak ah Sr. Stan Therese Mumuni pawlkom ih a sang bik mi Pathian hna a tuan tu Sisters for Eucharistic love in a siih, Cana saklam ih suak pek te ihsin a harsa mi nauhak pawl an bawm. Sister Imelde Poole cu Europe Sister pawl ihsin an tuah mi minung thilri vek ih kuat nak le hnatuan ter rero nak pawl do nak ih upa a si. Amah cu Abinia le Europe ah minung thilri vek ih kuat nak a tuar tu pawl a bawm tu a si.

          Sister Alicia Vacas cu Jerusalem ih Conbuni Sister pawl ih tuanvo nei tu upa pakhat a siih, amah cu covid-19 pulhnat caan ah Italy saklam ih a mah vek Sister pawl hnen ah a kilkhawi vekin, Chad ramah an pawlkom siizung ah khal mina pawl cu tih lo ten loin sii tuam hlawm nak an pe. Himi upattlak Sister pathum cu upat tlak Sister pawl hmuahhmuah an aiawh thu, anmai nunnak hman ziangah rel loin, bom nak a tul tu pawl hrangah hna a tuan thu palai in a sim. America palai in upattlak Sister pawl cu acozoh le nunphung pawlkom pawl nasa zet in tuan dingah a har mi hmun pawl ih a um mi minung tan tampi pawl ih neitabik an ruah san nak a si thu, Sister pawl ih bawm lo asiahcun ziangvek dil nak, ziang vek caan tha hman ngah ding an si lo thu, um nak nei lo vek in beidong nak khal a si thei thu sunloih nak tong in a hlan.

https://bit.ly/3dyKV22