Msgr. George Ratzinger (A cawl zo tu Pope Benedict 16 nak ih a Uupa) ih ruak vui nak (July 8, 2020)

Msgr. George Ratzinger (A cawl zo tu Pope Benedict 16 nak ih a Uupa) ih ruak vui nak (July 8, 2020)

          Msgr. George cu a cawl zo tu Pope Benedict 16 nak ih a Uupa a si ih July 1, 2020, a kum 96 ah a Germany ah a rak thi. A ruak vui nak cu tlawngkai nithum ni ah Germany ram, St. Peter Biakinn pi ah an rak tuah. George cu Regensburg khuapi ih sizung ah tuamhlawmnak a rak lak.

          Cui khuapi cu a dam lai ih a tambik a um nak khuapi a si. A naupa a si mi a cawl zo mi Pope Benedict 16 nak ih a rak veh hnu zarhkhat rei hrawngah a rak thi.

          Pope Francis khal in a cawl zo mi Pope Benedict 16 hnenah a mah rori ih ngan mi hnem nak ca a rak kuat ih a thi tu Fr. George ih Thlarau hrang khal ah thla a cam sak ding thu le hnem nak thluasuah khal co thei nak dingah a cawl zo tu Pope Benedict 16 nak hrang khal ih thla a cam sak ding thu a rak ngan a si.

          Cui ruak vui nak cu Regensburg ih Bishop Rudolf Voderholzer in a rak hoha ih Archbishop George Ganswein in a cawl zo tu Benedict 16 nak ih a kuat mi ca cu a rak siar.

          A siar mi ca sungah-

Ka lungawi!

“A tu caan ah ka Uu ih netabik leitlun ih khual a tlawn nak ih thlah ding kan si. Kei khal ka lo um pi hai a si,” tiin a ngan.

 Ram tampi ih um mi pawlkom dangdang  pawl hnen in a thinlung hnem nak, diriam nak a cang ter mi ca pawl a ngah thu khal a sim. Asinan, harhdam nak dinhmun ruangah mi pakhat ciar hnen ih ca ngan sal ding cu a cang thei lo ruangah a di a riam lo.

Sihmansehla, tu caan tiang a mah a mangsal tu pakhat ciar par ah lungawi thu a sim thu, a Uu thawn netabik an um tlang nak a hmu tu le hmu lo tu pawl hnen khal ah lungawi thu a rak sim.

A Uupa ih nunnak le a hnatuan nak pawl cu telegrams in siseh, email ih siseh, a dang cangan pawl thawngin a hnen an rak kuat tikah a uupa ih thuhla hi a ruah nak hnak in a thangkhawk nasa tin a sim.

Cuihleiah, Cardinal Newman ih “cor ad cor Loquitur” a rak timi tongkam hi a hrangah a dik zet. Ziangah tile, cahnah patih ngan mi cafang hnak in thinlung le thinlung ih biakawknak tongfang hi a thuk sawn theu a ti.

          Puithiam le awn-mawi tum thiam tu

A cawl zo tu Pope in a Uu ih thuhla pathum a rak sim. Pakhat nak ah cun a Uu in Puithiam nunram ih kawh nak cu awn-mawi tum thiam tu pakhat a rak si lai ah a rak thei.

A Uupa cu a nauhak lai ihsin Tittmoning ah awn-mawi tha ten zir dingah a rak thok. Cu vek ih a zir nak in Regensburg Biakinn pi Kapelmeister ih awn-mawi phunkim tum thiam tu ih hotu dinhmun ih cang dingah a rak thlenpi.

A mah cu music (awn-mawi) lam ih a zir nak ruangah neta lam cun Kapellmeister of Regensburg  Cathedral le Guide of the Regensburger Domspatzen timi hmin thawn Choir phuaih hotu ah a cang.

 A  nu rak dam lai seh la hi hmin hi a cohlang lo ding tiah Pope Benedict hleiruk nak in a sim. Ziangah tile himi Choir phuaih pawl, George hlan ih a rak hoha tu hi a nu thawn an thih ni a bang aw hrawng. Neta lam ah cun hi hnatuan ah lungawi nak tampi a hmu.

          Hitiih Choir phuaih pawl haha nak hnatuan hi harsat nak um lo cu a rak si lo. A thok nak lam ah cun huatu le aii tu khal an tak um ko.

Khat lei lam ah a uupa cu a lamhruai nak lungtho teih a rak thluntu pawl hrangah cu tik lai ih mino pawl hnen khal ah a lungawi thu a sim.

Cutiin cui caan ngah sal thei ding a si ah cun  Puithiam ka cang hrih lo nan, Puithiam pakhat vek in siseh, nuam zet le lungawi ih a um rero mi tiin khal siseh ka mitthlam ah a um.

A nuam aw thei ringring mi a Uu a man ringring nak a pahnih nak cu lungawi ih a um ringring tu a si nak hi a si. Cu tivek thotho in a ruah nak khal thup lo, sup lo in a rel theu tu a si.

 Kum 20 hrawng harsat nak khuathim sungah harsat a tuar nan, cui thil cang mi pom in thinlung lam thangso dingah a zuam.

          Pathian ih minung (Thlacam nak thawn a nungtu)

Puithiam pawl nunram ah "Pathian ih minung" ti mi tongfang cu "Thlacam nak thawn a nungtu, Pathian thawn kom aw tu" tiih ti duhsan a nei mi a si.

A Uu a ngai nak bik a pathum nak cu mi dai le mi nunnem cu a nun ram a si. Ziangtivek zawng ih sim a si khal ah a mah cu Pathian minung pakhat a si.

A Uu hnen ih June thla netabik a tlawn lai ah cibai a buuk ta. Ziangruangah tile cui tongawk nak cu leipar ih netabik an tongawk nak a si ding ti a thei.

 Cui thlah nak tongkam cu a dam lo rero mi a Uu in "A tha zet mi Pathian cu leipar ah a tu vek in tonawk nak in pek vek in Ramthar khal ah a thar in in tongaw ter leh ding tiin a sim.

          Ziang a si khal le leipar a nunram ih netabik ah a Uu thawn an nauhak lai caan vek in an tongawk thei ruangah a lung a awi. A Uu a dam lo nan Pope hnatuan a cawl zo tu a nau hnenah a hnen va tlawng dingah thuhla kuat in sawm nak khal a tuah lo. Asinan, Pope hnatuan in a cawl zo tu pakhat dinhmun in netabik a tlawng tul thu a kuat ih a feh thu a sim.

          Pathian ih a thinlung ruah nak ah a pek mi kumkhua nun nak ih hminsinnak hrangah a lung a awi. Pope Benedict hleiruk nak cun a caa cem nak ah "George, ka  hrangih in tuah sak mi na tuar nak le na pum pek awk nak pawl zate hrangah ka lungawi" tiin a ngan ih Rudolf Voderholzer hnen khal ah a bawm ruangah a lung a awi thu lungleng nak thawn a ngan mi ca cu a cem ter a si.