Corona virus ruangih nunnak a liam tu pawlih ruak ur mi vutcam pawl ret nak dingah Madrid Archdioceses in lungphun a tuah sak. 19.7 2020

Corona virus ruangih nunnak a liam tu pawlih ruak ur mi vutcam pawl ret nak dingah Madrid Archdioceses in lungphun a tuah sak.

19.7 2020

            Spain ramih Madrid khuapi cu covid-19 nasazetih a tuar mi khuapi lakah a tel ve mi a si. Covid-19 ruangah duhdawt zet mi pawl an thih hnu paisa cem in phum ding nak a tuah thei lo tu pawl hrangah tumtah in Archbishop in hmun pakhat a tawlrel sak. Siangbawi pawl vek thothoin, Archbishop khal kawhhran mipi pawlih tul mi a leh rul. An tul mi cu Bishop in a theih ruangah innsangsungih a thi mi pawl phum dingah mi harsa pawl ih ruak ur mi vutcam ret dingah nun nak a thi tu 1900 hrawng hrangah lungphun pakhat cu Archbishop in a tuah tiin San Justo thlanmual ih Biakinn tuanvo nei tu Siangbawi pa in a sim.

            Hngihlo nak lungphun cu kilruk pungsan in tuah asiih pi 7 le khuai a sang ih lunghak thawn tuah asiih, a zim khal tuah ding asithu, a zim cu luanglu fate vekin tuah ding asiruangah a phen thlam a lang ding mi Biakinn te vek cu fiangzetin hmuh a theih thu, hngilhlo nak lung phun cu Cardinal Carlos Osoro in thluasuah a pe zo ih hman a ngah zo. Corona virus ruangah nat nak buai nak karlakah kawhhran mipi pawl hnen an kiang nai ih a um tu cu Madrid Catholic Archdioceses in zoh thim tlak thil a hmuh nak cu Rome Report thuthang ihsin kan thei a si.

https://bit.ly/2OK77ww