Parish cu Pathian thuthangtha sim nak ding hmun a si. (July 20, 2020)

Parish cu Pathian thuthangtha sim nak ding hmun a si.

(July 20, 2020)

         Nu pawlpi cu kawhhranpi pakhat ih a bang aw lo mi kawh nak cu upat nak pek nakih an mah kawh nak lang ter dingah pawlkom pakhat in an phuan nak a si.

Hi mi cu kan dung tlawngkai nikhat ni ah Vatican ih an suah mi Parish thawn pehpar mi lam hmuh nakih a thupi mi a si. Daan thar suah sal mi a si lo. A um cia mi lamhruainak pawl Canon upadi thawn kaih in olte ih tha zet ih tuah thei ding dan lamhmuhnak a si.

         Hi vekih an tuah nak ih tumtah mi cu Baptism a sang tu zate ih tuanvo lak nak cu tha pe dingah le Parish khat le khat dungthluntu hnatuan pawl thawn naih niam zet ih tuah thei dingih an tumtah mi a si.

         Hi lamhmuhnak ih tha a suah mi cu Pathian hnatuantu pawl ih an tuah theu mi ti dan pawl a thar in tuah sal dingin, Parish cu Diocese thawn tuan tlang dingah ding a si. Cu lawng ah kawhhran mipi pawl in a thar ih thatho zet in sersiam mi lam ah an feh vivo tikha an thei thei ding. Baptism lak tu kawhhran mipi pawl ih tel bawm nak khal an ngah a si.

         Lamhruainakah a khaan 11 a um ih phunhnih ah an then. Hmaisa deuh ah cu a khaan 1-6 tiang a siih dungthluntu hnatuan ah ziang vekin tuah ding, Pathian hnatuantu pawl in an tuah thei ding zat le a tu kan tikcuu caan ah Parish ih a thupi zia cu kau deuh in a sim fiang.

         A pahnih nak ah cu a khaan 7-11 tiang a siih hi mi khal ah Parish sung biak nak lam ih a bun aw mi pawlkom pawl a dang te ih phuaih nak, cui pawlkom pawl ah a bang aw lo mi Tuukhaaltu pawl ih an tuan ding lam le uk mi daan pawl thu hla a si.

         Parish cu Pathian thuthangtha sim nak ding hmun a si. San thar ih fimthiamnak pawl ruangah tham thei, thei thei, thleng thei dingah a fiak zet mi leilungpi thawn Diocese ih hmailam sungih hmun pawl thawn hmuh tonawk nak ngah dingah a tuah. Culawngah Parish cu leiram a kauh le a fiah lawng si nawn lo in a ngai ngai ih tonawknak hmun ah a cang ding a si. Hi mi thuthang cu July 20, 2020 ah Vatican thuthang ih kan ngah mi a si.

https://bit.ly/2CWIhGU