Manila Archbishop covid-19 nat a ngah July 23, 2020

Manila Archbishop covid-19 nat a ngah

July 23, 2020

            Manila ram, Manila Archdiocese ih Diocese Bishop Broderick pabillo cu covid-19 nat a ngah thu theih a si. Nili sunah Manila Diocese ih Siangbawi pawl ca an kuat mi ah Bishop cu nat hminsin nak a tuar hrih lo nan, Quarantine a lut thu theih a si. Bishop cu covid-19 nat suan a tuar tu a hmaisabik Philipine Bishop asiih, amah thawn a tong aw mi minung 70000 hrawng a um thei thu an sim. Bishop cu lockdown thok ihsin Manila khuapi ih mi harsa pawl hnen a va leng. Cui hleiah Manila khuapi tondo ih meisa kang nak a tuar tu pawl khal a bawm bet.

            Bishop ih zung ihsin tuanvo nei tu pawl cu nat an neih lo thu theih asiih, Bishop in karkhat sungah a tong mi pawl cu Quarantine lut in tuamhlawm dingah an forhfial. Cui hleiah amah cu a nabesia din hmun asiih, amah hrangah tihphan ding a um lo thu, asinan Kawhhran pi fale pawl ih thlacam sak dingin a dil. Bishop in himi nat a hloh ding ih amah cu Pathian ih bom nak ruangah nat tuar ngah loin, sii tuamhlawm nak a ngah thu a sim. A tumtah mi hnatuan pawl le online tonawk nak pawl cu a hlan vekin tuah ding a si. Manila Cathedral ih tuah mi nitin Missa raithwi nak pawl le nazi 10 sung biakkhawm nak program pawl cu Siangbawi pakhat in raithawi nak a tuah ding ih, Bishop ih a tim tuah mi thuthangtha cu Siangbawi pakhat in a aiawh in a sim ding tiah an than.

https://bit.ly/2CLO8Pv