Australia ram, Port Pirie Diocese hrangah Bishop thar an ngah August 1, 2020

Australia ram, Port Pirie Diocese hrangah Bishop thar an ngah

August 1, 2020

            Pope Francis cu a kum a kim zo ih Pathian hna a tuan nak ihsin colhnak pe dingah a dil tu Australia ram, Port Pirie Diocese Gregory O'Kelly, SJ cu colhnakin a sian hnuah, a lawng mi hmun ah Fr. Karol Kulczycki SDS a ret thu a liam zo mi zarhte sungah a than. A thar ret mi Bishop cu 1966 kum Polan ram, Gora khuapi ah a rak suak. Amah cu thukam pathum a la tu SDS (Rundamtu Pathian pawlkom) Pathian hnatuantu pawlkom sungin asiih, Kum 1992 ah kumkhua hrangah thukamnak a la ih 1994 ah Siangbawi can nak a lak. Cuihnuah pawlkom ih din mi Pathian kawh nak a than sinsin thei ding zungah Pathian hna a tuan.Cuihnuah 1997 kumah Australia ramah a thawn ih Pathian hna a tuan nak cu (2018) kum tiang a si. Amah cu thlarau lam lam hmuh tu tiin khal siseh, Diocese ah Siangbawi tuanvo nei tu tin khal siseh hna a tuan. Bishop tiin hril mi Siangbawi cu Australia ram sungih pawlkom ih a sangbik mi Pathian hnatuan nak khal (2010-2018) tiang a tuan. Cuihnuah a khua le ram ah Pathian hnatuan dingah kawh nak a ngah ih, Polan khalah pawlkom ih upa lam a pahnih nak din hmun ih a tuan rero laiah a tu a si vekin hrilnak a ngah a si. Himi thuthang cu Vatican thuthang ihsin kan ngah mi a si.

 https://bit.ly/3hZHVOW