Catholic Biakinnpi pakhat cu kan dung tlawngkai ninga niah siatsuah a tong. (August 03, 2020)

Catholic Biakinnpi pakhat cu kan dung tlawngkai ninga niah siatsuah a tong sal. August 03, 2020

         Pope Francis in Managua Archdiocese ih Cardinal Leopoldo Brenes hnenih thuthang a kuat mi ah Archdiocese ih Cathedral meisa ur a tuar nak ruangah a thinnuam lo thu, Bishop le kawhhranpi Tuurual pawl zate hrangah thla a cam sak thu a rak sim.

         Hi thuthang cu Archbishop in Zarhpini Missa raithawinak cu video line ih an thlah lai ah kawhhranpi pawl hrangah a rak siar sak. Cui Zarhpini khal cu “dai te ih thlacam nak Ni” ah ruat in thla a rak cam ter.

         Biakinn pi cu kan dung tlawngkai ninga ni ah Patrol Bomb thawn ur nak an tuar. Pope Francis in Nicaragua ram hrangah khal angelus thlacam nak an cam lai ah a vun mang ih thla a cam sak.

Managua Biakinnpi siatsuah tuar nak

Hmin theih lo mi mi thar pakhat cu Biakinnpi sungah a lut ih meisa a rak urih Biakinnpi sungih um kum 400 a rei mi Thinglamtah le a dang thilri pawl cu a rak kaang. Tu vek ih tuah nak cu mi tha lo pawl ih tuah mi a si tiah Archbishop in Missa raithawinak ih thuthangtha a sim mi sungah a rak sim.

         Bishop in Pope Francis hnenah lungawi thu a sim. Ziangah tile Biakinn pi a kaang ti a theih veten ca a rak kuat ih a thinnuam lo thu sim in tha pek nak tongkam a rak sim. Pope in a u pakhat vek in siseh, rualpi vek in siseh, thlacam nak thawn nai te ah um in tha pek nak cu zumnak lam ah siseh, hmailam ih ton ding mi dinhmun cu tih lo in tuan dingah thazaang a neih thu, hi mi si dan phorh suak thei dingah a phunphun an zuam thu Cardinal in a rak sim.

         Mexican Catholic Bishop pawl pawlkom khal in hi thilcang cu thinphang ter tu thilcang tiin siseh, a naa zet mi hma tiin siseh a sim hnu ah khat lam le khat lam rem aw ten um dingah a rak dil.

Cu vek in Ecuador, Panama, Costa Rica le Guatemala pawl ih Catholic Bishop pawl pawlkom ai-awh tu in siseh, Mithianghlim pawlkom pawl in siseh, Catholic phunsangtlawng pawl in siseh tha pek nak tongkam pawl, thlacam sak tu thuthang pawl an ngah.

         Cu vek in Nicaragua ram ih kawhhranpi pawl in mai inn cio ah pulpit pawl sak in Cardinal ih forhfial nak vek in Zarhpi ni cu “dai ten thlacam nak ni” ah an rak hmang. A tu dinhmun ah Pathian ih tongkam cu bawm nak le hnem nak a si thu, a dang caan hnak in a tu ah Pathian cu kan thazaang a si.

         Cardinal in hi mi a tuah tu khal ngaidam dingah Catholic Diocese a hua tu pawl lawng in Diocese ih thilri pawl siatsuah an duh. Asinan, kan mah in duhdawttu le in zaangfah tu, duhdawt nak, lainat nak ih Pathian a si mi kan Pathian lawng rinsan uh si.

         A hlan ah khal Biakinn pawl siatsuah nak pawl a rak um. A tu vek ih siatsuah nak cu a voikhat nak lawng a si lo. July 27 ah Veracruz khuapi ih um Carmel Bawinui Biakinn fate ih pulpit cu zial ah thlah in an rak siatsuah.

 July 29 khal ah hmin theih lo mi pawl in Nindiri khuapi ih a um lai ah mi bawm tu Bawinui Biakinn fate khal siatsuah nak a rak thong thu August 3, 2020, Vatican thuthang in kan thei a si.

https://bit.ly/30yu8sJ