Covid lockdown caan sungah India mi mipa pakhat in Bible Cathianghlim a kut in a ngan thluh August 12, 2020

Covid lockdown caan sungah India mi mipa pakhat in Bible Cathianghlim a kut in a ngan thluh

August 12, 2020

            Covid -19 nat a karh thoh ihsin thokin sumdawn nak tlak nak, hnatuan nei lo ih um mi pawl an tam vivo ruangah beidong nak, inn sang ih thil tha lo ton nak a thang. Asinan thenkhat cu an tikcucaan san nei zet in an hmang.

            India ram Kerala ram then ih Rejin Valson timi kum 28 mipa cu lockdown ni 113 sung Bible zaten a ngan. Amah cu Cochin vanzam colhnak ih meisa mit tu pakhat a si. India Prime minister Narendra Modi cu Lockdown caan sung cu Marh 24 ihsin a thok.

            2.3 billion asimi India mipi pawl in hnatuan an cawl. Valson khal tikcu kim ih hnatuan nak hmun ihsin karkhat ah nazi 24 lawng hna an tuan thlang. Amah cu St.Anthony Diocese ihsin asiih nisuah nak lam Syro-Malabar Catholic mipakhat a si. Colhcaan cu nikhat ah nazi 3 le 4 hrawng a hmang ih, a suah nak hmun le ram tong Malayalam tongin a ngan. Ni 113 a rei ah Bible hlun, Bible thar bungcang 73 zaten a ngan theh ih A-4 cahnah 2755 hnah le cangan nak bawpen 32 a hmang tiin a sim. Himi thuthang cu Vatican thuthang ihsin kan ngah mi a si.

https://bit.ly/3g14q4N