Mai hmun le ram ihsin a tlan tu Iraq ramih Khristian pawl an ram ah kir sal dingin sawm an si. (August 23, 2020)

Mai hmun le ram ihsin a tlan tu Iraq ramih Khristian pawl an ram ah kir sal dingin sawm an si.

August 23, 2020

            Iraq Prime Minister Mustafa Al-Kazemi cu Islam ram dingih ruahnak nei tu pawl ih do nak ruangah hmun tinkim ih a relhih a tlan tu Iraq ram ih Khristian pawl cu anmai hmun le ram ah kirsal dingah an sawm thu, ram ih a kir sal tu Khristian innsang pawl ih tul mi pawl bawm dingah, an harsat nak cu felfai ter sak ding dinhmun in a thupi ret dingin kawh sal nak a si ding thu Iraq ram cu mitinkim hrangah a si thu, Khristian pawl khal Iraq ram ih fale pawl an si thu, ram ih a tlung tu ding Iraq ram mi Khristian pawl hrangah lungawi zet in an hmuak thu, Bomb pawl ruangih a siat mi inn pawl sak sal nak khalah bawm ding a si thu, Iraq ram sung ih biak nak a bang lomi zum nak a phunphun pawl cu raldo nak a phunphun kha dodal in, a rem dai mi Iraq ram thar din dingah ruahsan a si thu Assyrian thuthang zung ihsin an tar lang.

            Prime Minister cu a liam zo mi zarhpi sunah Chaldean Catholic Cardinal Louis Raphael Sako thawn an tong aw. Cardinal in Iraq cozah hnen ram mipi pawl ih tul mi tampi khal silhkhah sak dingah le ram ih ton mi harsat nak khal felfai ter sak dingah tumtah asi thu a sim. Ram ihsin dinhmun a phunphun ruangih a tlan tu Iraq ram mi Khristain tampi cu kirsal dingah an duh tuk thu, Diocese pi si nakin Iraq ram sung remdaih nak ngah nak ding hrangah cozah ih tuah tuan nakah phurzet in tuan tlang dignah ralring a si thu, Iraq rampi Khristian pawl cu Iraq rammi an si nak an uang awk thu, Al-Kazemi ih cozah kut sungah Khristian sinak thawn pehpar in tih nung lo mi humhim nak an ngah ding thu khal ruah san a si thu an ton awk nak ah Cardinal in a sim.

            Diocese ah a tul mi pawl a bawm tu Biak nak lam pawlkom (Aid to the Church in need) khal in (2014) kum ah Iraq ram ihsin a tlan tu Iraq Khristian pawl cu an mai ram ah an tlung rero a si. Asinan remdaih nak le karlak rem saknak pawl tha ten felfai ter tu ding pawlkom pawl an tha a mal ruangah harsat nak tampi an ton lai thu an sim. Himi thuthang cu Vatican thuthang ihsin kan ngah mi a si.

https://bit.ly/3h5wAwD