Cincinnati Catheral Biakinn cu Bacilica Biakinn fate tiin khaisang August 19, 2020

Cincinnati Catheral Biakinn cu Bacilica Biakinn fate tiin khaisang

August 19, 2020

            American ramih Cincinnati Archdiocese ih St.Peter in Chains Catheral Biakinn cu Bacilica Biakinn fate tin Pope in a khaisang. Cui Biakinn pi cu kum 175 a rei zoih, American ih hman a theih mi Biakinn pawlah kum a rei bik mi a si. Cincinnati Diocese Bishop Dennis Schnum in himi khaisan nak cu Kawhhran mipi pawl himi khuapi hrangah thluasuah a si thu an suah ih an sim. American ah Bacilica Biakinn fate 89 a um zo ih Rome ah cun Bacilica biak innpi pali a um. Himi Biakinn cu khuapi sungih a sang bik mi inn tiin kum tampi a ding zo. Cui Biakinn cu St.Peter ih nuntudaan lang ter in 1845, October 2 ah sak a si.

            A sung a leng sak daan cu Greek kutthiam, Dico nunphung, nisuah nak lam Khristian kutthiam le hlanlai Rome kutthiam pawl a tel. Mi tampi ih theih mi Biakinn a siih, kum tin Missa raithawi nak tuah tikah thawng khat hnak ih mal lo raithawi nak hmun a si. Aralai dingmi November ah kum 175 a kim lungawi thusimnak Missa raithawi nak kha tuah ding a si. Hi thuthang cu Aleteia thuthag in kan ngah mi a si.

https://bit.ly/3aCiQqS