Leilungpi dam ter nak hrang zirh nak (August 5, 2020)

Leilungpi dam ter nak hrang zirh nak

August 5, 2020

Pope Francis in, “July thla a cawlh hnu zarh tin mipi pawl thawn ton awknak a thawh salah Christian pawl ih zumnak, ruahsannak le duhdawtnak cu tu lai santiluan ih minung lam, nunphung le thlarau lam ih tulsam mi pawl a dam ter thei,” tiah a sim.

Tlawngkai nithum, zinglam ah Pope Francis cu dungthluntu pawl ih library in hi tin a sim Covid-19 pulh nat a cannak cu midang pawl a suanih mi tampi in an nunnak an rak liam.

A thupibik in a hmun ringring lo mi sumdawnnakih harsatnak karlakah mifarah pawl khal an tong ve. Cu vek harsatnak ai ah Cathianghlim Luka sungah Bawi Jesuh ih thukamnak vekin Pathian ih Vancungram ih dam ter nak le rundamnak vekin Pathian ih Vancungram ih dam ter nak le rundamnak a um thu cu zumtu pawl hnenah a rak sim.

Zum nak, ruahsannak le duhdawtnak thawn damter nak zaangfah lainatnak pawlih hmuh mi rual rem nak le rem daih nak ram in zumnak a karh ter ih a hngetkhoh ter.

Zum nak, ruahsannak le duhdawtnak thlacam nakin Thiang Thlarau in in dam ter lawng si lo in midang dam ter tu ah in cang ter. Hi talent pawl cun kan caan sia mi nunram ih tidai par ih feh caan ah hmun thar in on sak.

Pope Francis in, “ Pathian thuthangtha ih zumnak, ruahsannak le duhdawtnak pawl thawn pehtlaih awknak cu minung lam ih thanaunak , milai leitlun ih miphun le leilungpi hringhro rero mi a dang ter ih pakhat leh pakhat a siat suah ter tu daan pawl thleng a theih,” tiah Pope Francis in a rak sim.        

Hmuihmel lam, nunphung le thlarau lam dam ter nak Pope Francis ih a sim mi cu, “Bawi Jesuh cu a mah ih mangbangza a thil ti thei nak pawl sungin leitlun thilri siat suah nak lawng si lo in mi pakhat a dam ter,” tiah a sim.

“Minung cu pawlkom ih thlen ter sal nak thawngin minung then thek awknak in in luat ter,” tiah Pope Francis in a thupibik in Bawi Jesuh hnenah luanglu par in an rak ken mi Capernaum khuapi ih zeng nat a dam ter nak cu a thupi ah ret in a rak sim.

An zumnak cun Bawi Jesuh ih Thinlung an thleng ter ih zeng nat nei hnenah, “Ka Fapa, na sual nak cu ngai dam na si zo,” tiah hmaisa ah a rak ti. Cui hnu ah Bawi Jesuh in langhngan in, “tho aw; na ih phah la aw la tlung aw,” tiah thu a pek bet.

Bawi Jesuh ih thil tuah mi cu, cu pawl ih zumnak a  hnenih ruahsannak nei dingah le an mah le an mah hmuh awk mi duhdawt nak cu rulh kir sal nak pakhat a si.

 Bawi Jesuh in zeng natnak cu dam ter lawng si lo in an sual nak pawl a ngai damih an mai a thar ih hrin salnak an lak vekin an mah le an rualpi pawl, an nunram pawl khal a thar in a rem sal.

Cu mi cu, “leitlun thilri le tharau lam nat nak a dam ter, bul pak le pawlkom pehzom awknakih rah a si,” tiah Pope Francis in Bawi Jesuhih tonawknak ih a dam ter nak cu an inn ah nel awknak le zumnak karh dingah ziang vekin a bawm thu a mangbang zet in a rak sim.

Cu mi cu Biak nak lam zum nak, talent pawl le Pawlpiih zirh mi a hramthok nak pawlih pakhat a si mi Pathian thuthangtha ih tleu nak a si ding.

Tu ni pawlkom harsatnak pawl tleu nak a pek hnuah hmailam ih tesinfa pawl hrang ruahsannak kan din nakah in bawm thei,” tiah Pope Francis in a ruahsannak thu a rak sim.

Mipi pawl thawn tonawk caan ah Pope Francis in Lebanon ram, Beirut khuapi ah gas puah nak ruangih a thi tu pawl le an sungkua pawl thawn a riahsiat ve thu a rak sim.

Source: Vatican news

https://bit.ly/3l1xuwy