Jesuh Khrist cu kanmah pawl ih a pakhat nak le pakhat lawng asimi duhdawt nak asithu Pope Francis in a sim (August 17, 2020)

Jesuh Khrist cu kanmah pawl ih a pakhat nak le pakhat  lawng asimi duhdawt nak asithu Pope Francis in a sim

August 17, 2020

            Brazil ramih Pathian hnatuantu mipa, nunau pawl hnenah "leitlun thilri ih hip nak pawl do uh. Thlacam nak kha a thupi ah ret uh. Ziangruangahtile Bawi Jesuh mithmai a zoh tu pawl cun midang pawl hrang rian tuan dingin an zir thiam" tiin thu a sim. Ziangruangahtile a tlunlam ih Pathian hnatuan tu mipa, nunau pawl cu August 16 ihsin 22 nitiang Pathian hnatuan tu pawlih ni tuah dingah tonkhawm awk nak a si. Brazil ram ih Pathian hnatuan tu pawlkom ih hotu asimi Sr.Maria Ines Vieira Ribeiro khal in "a tui vekih ruah sak asi ruangah a lung a awi thu, hitivekih an tuah sak nak in, Pathian hnatuan daan cu a thar in thleng dingah asi thu, mahl e mah pe awk nak ruangah lungawi uh. Pope amah rori khal Jesuit pawlkom asiih amah khal Pathian hnatuan tu pakhat a si. Pathain hnatuan tu ti tikah thu kam pathum ala tu Siangbawi, Sister pawl tiduhsan a si.

            Anmah pawl cu pawlkom in a um. Ti duhsan cu Diocese pakhat ih an um tikah a mal bik pathum an um. Nun ram cu Pathian ih duhdawt nak ih kawh nak a ngah tu ih a rah suak mia  si. Kan nunnak ah rualpi vekin in thlun. Lungawi ank a duh tu kan thinlung khal ah ralrin nak a um. Pathian cu kanmah pawl lungawi nak ah in sawm. Cui lungawi nak cu mah le mah mi dang hrangih pek awk nak lawng ah hmuh a theih. Thlacam nak cu kan ruah nak kha Jesuh Khrist hnenah in kom ter. Tui lai nunphung pawlkom ih san thleng awk nak ah a hruai.

            Curuangah Pathian hnatuan tu si nak in leitlun lam ruah nak, hmuh nak pawlih khuh nak tuar lo dingah ralring a tul. Ziangruangahtile hrinnun ih rauh nak, hmuh daan pawl cu kanmah pawl Pathian ih thluasuah felfaiten hmu thei lo dingah a thim ter, a kham. Cui ruah nak pawl ruangah leitlun nunnak lawng a thupi tiih ruah nak a thleng ter. Hivek hnaihnok nak cu do dingah a tha bik mi sii cu Ziangtluk in hnatuan a tam hman ah cui dinhmun ihsin thlacam nak cu kai hngek in nun ter ding a si. Pathian hnenah ruah nak a pe thei tu pawl cu ziang tin nung ding, ziang tin midang hrang hnatuan ding tikhal an zir ih, anmah pawl cu Pathian ih duhdawt nak an co rero ti khal an thei.

            Pope in a tlun lam Pathian hnatuan tu pawl hnen Bawi Jesuh cu nanmah pawl thukam nak lak vekin nan nun nak ih a hmaisabik le pakhat lawng nan duh mi a si maw? Cutiasi lawngah kannun nak ih ton dingmi minung pawl kan zangfah thei ngai ngai ding. Kan duhdawt thiam ding. Duhdawt nak cu ziangvek asiti Bawi Jesuh hnen in zir uh. Cutilawngah duhdawt ank nan thei thiam ding tiin a forhfial. Hmailamah feh ringring uh. Rome ih a thleng tu Pathian hnatuan pawl cu Pope thawn hmunkhat ah sun ih cam mi Angelus thla cam nak an cam. Cui thlacam nak theh ah khal Pope in mah ih ap mi nunnak cu dunglam ah kir ter loin, hmailam lawng ah feh dingah a forhfial.  Himi thuthang cu Vatican thuthang ihsin kan ngah mi a si.

Source: Vatican news

https://bit.ly/2FDNt3V