A cawl zo mi ralkap bawi, mikhuai tu siibawi le thu sim tu Catholic Sister Republican party thu an rel.(August 24, 2020)

A cawl zo mi ralkap bawi, mikhuai tu siibawi le thu sim tu Catholic Sister Republican party thu an rel.(August 24, 2020)

            Tui kar sung tuah dingmi Republican party Convention ah thu rel khawm dingmi minung pawl lakah Catholic Sister pakhat a tel. A cawl zo tu ralkap bawi, mi khuai tu siibawi a simi amah cu zarhpi ni ah thurel khawm dingah ram uk tu in a hril thu theih a si. Sr. Dierdre Dede Byrne cu America ralkap ih bawi, mikhuai tu siibawi tiih hnatuan nei tu asiih, Pathian hnatuan nak tiin ram lengih a feh zo tu khal a si. A tu ah cun amah cu Jesuh le Bawinu ih thinlung hnatuan tu tiih hmin a nei mi Sister kaing sungtel pakhat  a si.

            Sister cu Washington ah a suakih unau 7 a nei. Sii phunsang tlawng kai nak hrang sumpai ngah dingah ralkap ah a lut ih, siibawi le ralkap bawi dinhmunin kum 29 rei tuanvo rak nei dah tu a si. Amah cu 1997 ah ralkap bawi, mikhuai tu siibawi ah a cang ih America ih a ra lengtu  Mother Teresa ih harhdam nak kha tuanvo lakin a rak zoh dah tiin an sim. Amah cu a nunsungah Pathian hnatuan tu ah kawh nak a ngah ih siilam thiam nak thawn tuan peh vivo mi kaingah lut dingah a bot cat. Cutiin 2004 ah POSC kai ah a hmaisabik thukam nak a la.

            Amah cu 2011 ah kumkhua thukam nak a lak hlan te ah ralkap in a suak. Sister ih felfai zetih a tuahtuan mi parah ram uk tu DonaldTrump khal in a lawm tiah an sim.  Nili a rei mi Convention  thurelnakah Sister cu a danglam zetih thu rel thiam mi le mi ngai duh zet mi thusim tu a si. Himi thuthang cu CNA thuthang ihsin kan ngahmi a si.

https://bit.ly/2YFuz32