Leitlun huap ih Pathian hnatuan nak (World Mission Day) ni cu October (18) niah tuah dingah Vatican in a nemhngek

August 28, 2020

            Catholic kawhhran ih puaipipawl cu covid-19 pulhnat ruangah thawn nak an si theh ih , ram tampi khal ah Missa raithawi nak pawl cu social media ih thlah nak, harhdam nak thawn a kaih mi daan pawl thawn tuah nak lawng tuah a si.

            Asinan 1926 kum ah Pope Pius XI in a tuah thok ih, kum tin tuah ringring asimi Catholic kawhhran ih leitlun huap Pathian hnatuan nak ni  sunglawi (world mission day) cu thawn loin a hlan vek in October (18) zarhpi ni ah tuah ding asi thu, a liam zo mi tlawngkai ni nga ni ah Vatican in thu suah nak an nei a si. Pathian hnatuan nak pawlkom in "zum nak timi cu Pathian hnatuan nak asiih, leitlun huap Pathian hnatuan nak ni (World Mission day) tuah nak cu Khristian zumnakah a thu pi zet mi a si ih hi thuhla cu zumtu pawl nunramah kilkhawi ding a si tiah a sim.

            May thla (31) niih tuah mi a thianghlim mi thlarau puai ni ah Pope Francis in Profet Ezekiel Bible catlang ih "Keimah ka um. In thlah aw" timi Bible catlang thawn "leitlun ih a cang rero mi covid-19 pulh nat cu Pathian hnatuan dingah le kiangkap pawl hrang riantu si dingah caan tha a si" timi thucah cu himi puai hrangih a thu cah mi a si.

https://bit.ly/3hHSjLu