Miphun thleidan awk nak do dingah kawhhran mipi pawl rawl ulh in thlacam dingah America Bishop pawl sawm. August 28, 2020

Miphun thleidan awk nak do dingah kawhhran mipi pawl rawl ulh in thlacam dingah America Bishop pawl sawm.

August 28, 2020

            Hmun tampi ah miphun dodal awknak a cang mi America hrangah Milwaukee khuapi ih Archbishop Jerome E.Listecki in remdaih nak le midang thathem nak hrangah zangfah a dil. Ameirica ih Bishop pawl khal in zum tu fa le pawl hrangah August (28) asilole miphun si daan bang aw dingah a do tu St.Peter Claver ih puaini September (9) ah tuah ding asimi rawl ulh thlacamnak ni ah tel dingah a forhfial. Atuvekin sawm nak cu Wisconsin ral bawi methal thawn kah a tuar ih, a tha pawl cang thei lo ih a um mi Africa-America mi asimi Jacob Blak ih thilcang mi dodal nak a cang ih thaisun ah a thok. America Bishop pawl pawlkom ih hotu asimi Hauma-Thibodaux ih Bishop asimi Shelton J. Fabre in Catholic kawhhran pawl hnen" Missa raithawi nak le miphun thleidan nak ih that lo nak hrangah Bawi Jesuh thinlung hnen sual sir nak ah tel dingah" a sawm.

            "Dodal awk nak cu remdaih nak le thuhman ngah nak hrangah lamzin a si theilo thu, kawhhran pi cu ruahsan nak hrangah meisatleu tiin a um thu a sim ih thu dik lo, dodal nak, nunphung thleidan nak le huatawknak sual nak pawl cu minung pawlkom sungah um lo dingah zangfah nak, minung si nak humhim nak le midang that nak zoh nakin do ding a si thu a sim." Archbishop Jerome thawn hmunkhatih a um thu America Bishop pawlkom ih hotu Bishop Fabre in nasa zet in a sim. Himi thuthang cu Vatican thuthang ihsin kan ngah mi a si.

https://bit.ly/2EONcKW