Thlang Korea ih pumsung nau kilhim nak tlawngta pawlin Pope Francis hnen ca kuat August 27, 2020

Thlang Korea ih pumsung nau kilhim nak tlawngta pawlin Pope Francis hnen ca kuat

August 27, 2020

            Thlang Korea ramih phunsang tlang tlawngta pawl tel in pum sung nau kilhim nak cangvai tu pawl cu ram pi ih nauthlak nak upadi thu cu Pope hnen ca pakhat an kuat. Tlawngta pawl le Catholic Siangbawi pawl cu thlang Korea ram ih Pope aiawh tu Archbishop Alfred Xuered thawn tong aw in, Bishop in ca cu Vatican ah kuat ding tiin thu a kam. A tlun lam ih tlawngta pawl cu phunsang tlawng paruk ihsin an siih, pawlkom hotu Anna Choo Hee-Jin ih a sim nakvekin anmah pawl cu remdai ten duh phorh nak in siseh, nauhak pawl an nung dam nak dingah an zuam thu, a sinan minungih thu neih theinak (human right) lamih  a cang vai tu pawl cu naute nu ih duh nakvekin lungkim in thlak thei dingah an dil thu a ngan.

            Cui nau thlak theinak upadi cu December 30 tiang kham asiih January 1 ihsin caan an pek thu theih a si. Tui caan tiang upadi vekih nau thlak thei nak a nei tu pawl cu pong sual nak tuarnak, thin lung hman lo nak, sung ci ih hman lo nak nei tu pawl lawng an si tiin a sim. Cutivekin Seoul Catholci Diocese Cardinal Yoem Soo -Jung cu August thla 25 ah ram uk tu inn ah a feh ih ram uk tu Moon Jae -In hnen thlak a tuar ding mi pumsung naute pawl kilhim dingah ruahnak a pek thu a va sim a si. Himi thuthang cu CNA thuthang ihsin kan ngahmi a si.

https://bit.ly/2EWk2cS